Ilovani yuklab oling
Yuklab olish
ДОСТИНЕКС ТАБЛЕТКА

Oson Apteka - Dorixonalar ma'lumotnomasi

ДОСТИНЕКС ТАБЛЕТКА 0,5мг №8

104 000 so'mdan
(3547)
Dorixonalardagi narx
Xususiyatlari
Xalqaro nomi
CABERGOLINE
Ishlab chiqaruvchi
ТУРЦИЯ
Chiqarilish shakli
ТАБ
Farma. Guruh
Pharm Group Name
Dori tafsilotlari
Dori shakli: 
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Yaroqlilik muddati
Saqlash sharoiti
Berish tartibi
Dori shakli: 

tabletkalar

 

Tarkibi:

Har bir tabletka quyidagilarni saqlaydi:

faol modda: 0,5 mg kabergolin;

yordamchi moddalar: 75,9 mg laktoza, 3,6 mg leysin.

 

Taʼrifi: 

oq, yassi, choʻzinchoq, bir tomonida oʻyiqchalar bilan ajratilgan “R” va “U” markirovkali va boshqa tomonida “700” soni ustida va ostida qisqa oʻyiqchalari boʻlgan tabletkalar.

 

Farmakoterapevtik guruhi:

 dofamin retseptorlarining agonisti.

 

 

Farmakologik xususiyatlari

Farmakodinamikasi

Kabergolin ergolinning dofaminergik hosilasidir va gipofizning laktotrop xujayralarining D2-dofamin retseptorlarini toʻgʻridan-toʻgʻri ragʻbatlantirishi bilan bogʻliq boʻlgan yaqqol va uzoq muddatli prolaktin pasaytiruvchi taʼsiri bilan xarakterlanadi. Bundan tashqari, yuqori dozalar qabul qilinganida prolaktinning qon plazmasidagi konsentratsiyasini kamaytirish uchun, shundaylar bilan solishtirilganida kabergolin D2-retseptorlarni ragʻbatlantirilishi oqibatida markaziy dofaminergik samaralarga ega.

Prolaktinning plazmadagi konsentratsiyasini pasayishi preparat qabul qilinganidan keyin 3 soat davomida aniqlanadi va sogʻlom koʻngillilarda va giperprolaktinemiyali patsiyentlarda 7-28 soat davomida va ayollarda tugʻruqdan keyingi davrda 14-21 kungacha saqlanadi. Kabergolin qatʼiy tanlab taʼsir qilish qobiliyatiga ega, gipofizning boshqa gormonlarini va kortizolni bazal sekretsiyasiga taʼsir qilmaydi. Kabergolinning prolaktinni pasaytiruvchi taʼsiri yaqqolligiga nisbatan ham, davomiyligiga nisbatan ham dozaga bogʻliqdir.

Kabergolinning terapevtik samarasi bilan bogʻliq boʻlmagan farmakodinamik taʼsirlariga, faqat arterial bosimni (AB) pasayishi kiradi. Preparat bir marta qabul qilinganida maksimal gipotenziv samara birinchi 6 soat davomida aniqlanadi va dozaga qaram hisoblanadi.

Farmakokinetikasi

Kabergolin meʼda-ichak yoʻllaridan tez soʻriladi, qon plazmasida maksimal konsentratsiyaga 0,5-4 soatdan keyin erishiladi, qon plazmasi oqsillari bilan bogʻlanishi 41-42% ni tashkil qiladi. Kabergolinni buyraklar orqali chiqarilish tezligi boʻyicha baholanadigan yarim chiqarilish davri sogʻlom koʻngillilarda 63-68 soatni va giperprolaktinemiyali patsiyentlarda 79-115 soatni tashkil qiladi. Yarim chiqarilish davrining uzoqligi sababli muvozanatli konsentratsiya holatiga 4 haftadan keyin erishiladi. Kabergolin qabul qilinganidan keyin 10 kun oʻtgach siydik va ahlatda qabul qilingan dozaning muvofiq taxminan 18% va 72% aniqlanadi, bunda oʻzgarmagan kabergolinning siydikdagi hissasi 2-3% ni tashkil qiladi. Siydikda identifikatsiyalangan kabergolin metabolizmining asosiy mahsuloti, qabul qilingan dozaning 4-6% gacha boʻlgan konsentratsiyadagi 6-allil-8β-karboksi-ergolindir. 3 qoʻshimcha metabolitlarning siydikdagi miqdori qabul qilingan dozaning 3% dan oshmaydi. Metabolizm mahsulotlari prolaktinning sekretsiyasini bostirilishiga nisbatan kabergolin bilan solishtirganda ahamiyatli kam samaraga ega ekanligi aniqlangan.

Ovqat qabul qilish kabergolinni soʻrilishiga va taqsimlanishiga taʼsir qilmaydi.

 

Qoʻllanilishi
  • Tugʻruqdan keyin fiziologik laktatsiyani oldini olish.
  • Tugʻruqdan keyingi laktatsiyani susaytirish.
  • Giperprolaktinemiya bilan bogʻliq boʻlgan buzilishlarni, shu jumladan amenoreya, oligomenoreya, anovulyatsiya, galaktoreyani davolash.
  • Gipofizning prolaktin sekretsiyalovchi adenomalari (mikro- va makroprolaktinomalar), idiopatik giperprolaktinemiya; giperprolaktinemiya bilan birga qoʻshilgan “boʻsh” turk egari sindromida qoʻllanadi.

 

Qoʻllash usuli va dozalari

Ichga, ovqatlanish vaqtida.

Laktatsiyani toʻxtatish: 1 mg bir marta (0,5 mg dan 2 tabletka) tugʻruqdan keyin birinchi kuni.

Boshlangan laktatsiyani susaytirish: 0,25 mg (1/2 tabletka) dan sutkada ikki marta har 12 soatda ikki kun davomida (umumiy doza 1 mg ga teng). Emizikli onalarda ortostatik gipotenziya xavfini kamaytirish maqsadida, Dostineks® preparatni bir martalik dozasi 0,25 mg dan oshmasligi kerak.

Giperprolaktinemiya bilan bogʻliq buzilishlarni davolash: tavsiya qilinadigan boshlangʻich doza haftada bir qabulda (0,5 mg li 1 tabletka) yoki ikki qabulda (0,5 mg li 1/2 tabletkadan, masalan, dushanba va payshanba) 0,5 mg ni tashkil qiladi. Haftalik dozani oshirish asta-sekin 0,5 mg ga bir oylik oraliqda, optimal terapevtik samaraga erishguncha oʻtkaziladi. Terapevtik doza odatda haftada 1 mg ni tashkil qiladi, ammo haftada 0,25 mg dan 2 mg gacha oʻzgarishi mumkin. Giperprolaktinemiyali patsiyentlar uchun maksimal doza haftada 4,5 mg dan oshmasligi kerak.

Oʻzlashtirilishiga qarab haftalik dozani bir marta qoʻllash mumkin yoki haftada 2 va undan koʻp qabullarga boʻlish mumkin. Preparat haftada 1 mg dan koʻp dozada buyurilganida haftalik dozani bir necha qabullarga boʻlish tavsiya qilinadi.

Dofaminergik preparatlarga yuqori sezuvchanligi boʻlgan patsiyentlarda nojoʻya koʻrinishlarni rivojlanish ehtimolini davolashni Dostineks® preparatning kichik dozalari bilan (masalan, 0,25 mg dan haftada bir marta) boshlab kamaytirish mumkin, keyinchalik terapevtik dozaga erishilgunicha asta-sekin oshiriladi. Yaqqol nojoʻya koʻrinishlari paydo boʻlganida preparatning oʻzlashtirilishini yaxshilash uchun dozani keyinchalik asta-sekin oshirish (masalan, haftada 0,25 mg ga, har ikki haftada oshirish) orqali vaqtinchalik kamaytirish mumkin.

 

Nojoʻya taʼsirlari

Dostineks® preparati qoʻllangan klinik tekshirishlarda laktatsiyani fiziologik toʻxtatish uchun (1 mg ni bir marta) va laktatsiyani susaytirish uchun (0,25 mg dan har 12 soatda 2 kun davomida) nojoʻya taʼsirlari taxminan 14% ayollarda aniqlangan. Dostineks® preparati haftada 1-2 mg dan 2 qabulga boʻlingan dozada giperprolaktinemiya bilan bogʻliq buzilishlarni davolash uchun 6 oy davomida qoʻllanganida, nojoʻya koʻrinishlarning tez-tezligi 68% ni tashkil qilgan. Nojoʻya koʻrinishlar asosan davolashning birinchi 2 haftasi davomida paydo boʻlgan va koʻpchilik hollarda davolash davom ettirilganida yoki Dostineks® preparati bekor qilinganidan keyin bir necha kun oʻtgach yoʻqolgan. Nojoʻya koʻrinishlari odatda oʻtkinchi, ogʻirlik darajasi boʻyicha kuchsiz yoki oʻrtacha ifodalangan va dozaga bogʻliq xarakterga ega. Davolash vaqtida ogʻir nojoʻya holatlari kamida 14% patsiyentlarda aniqlangan, nojoʻya taʼsirlari sababli taxminan 3% patsiyentlarda davolash toʻxtatilgan.

Eng koʻp uchraydigan nojoʻya taʼsirlari quyida berilgan:

Yurak-qon tomir tizimi tomonidan: yurak urishi hissi; Dostineks® uzoq muddat qoʻllanganida odatda gipotenziv taʼsir koʻrsatadi, ayrim hollarda ortostatik arterial gipotenziya boʻlishi mmkin; tugʻruqdan keyingi birinchi 3-4 kunlari AB belgilarsiz pasayishi mumkin (sistolik 20 mm sim. ust. dan koʻproq, diastolik – 10 mm sim. ust. dan koʻproq).

Nerv tizimi tomonidan: bosh aylanishi/vertigo, bosh ogʻrigʻi, yuqori charchoqlik, uyquchanlik, depressiya, asteniya, paresteziya, xushdan ketish, asabiylashish, xavotorlik, uyqusizlik, diqqat konsentratsiyasini buzilishi.

Ovqat hazm qilish tizimi tomonidan: koʻngil aynishi, qusish, epigastriya sohasida ogʻriqlar, qorin ogʻrigʻi, qabziyat, gastrit, dispepsiya, ogʻiz boʻshligʻini shilliq pardasinir quruqligi, diareya, meteorizm, tish ogʻrigʻi, halkumni shilliq pardasini taʼsirlanishi.

Boshqalar: mastodiniya, dismenoreya, burundan qon ketishi, rinit, yuz terisiga qonni “oqib kelishlari”, tranzitor gemianopsiya, barmoq tomirlarining spazmlari va oyoq mushaklarini tirishishlari (boshqa shoxkuya hosilalari kabi Dostineks® tomirlarni toraytiruvchi taʼsir koʻrsatishi mumkin), koʻrishni boʻzilishi, grippsimon simptomlar, lohaslik, periorbital va periferik shishishlar, anoreksiya, akne, terini qichishi, boʻgʻimlarda ogʻriq.

Dostineks® preparati bilan uzoq muddatli davolashda standart laboratoriya koʻrsatkichlarini meʼyordan oʻzgarishi kam aniqlangan: amenoreyali ayollarda hayz tiklanganidan keyin birinchi bir necha oy davomida gemoglobinning darajasini kamayishi kuzatilgan.

Postmarketing tekshirishlarida kabergolinni qabul qilish bilan bogʻliq quyidagi nojoʻya taʼsirlari ham qayd qilingan: alopetsiya, qonda kreatinin-fosfokinaza faolligini oshishi, maniyalar, dispnoe, shishlar, fibroz, jigar faoliyatini buzilishi va jigar faoliyatining koʻrsatkichlarini oʻzgarishi, yuqori sezuvchanlik reaksiyalari, toshma, respirator buzilishlar, nafas yetishmovchiligi, valvulopatiya, qimor oʻyinlariga patologik moyillik, giperseksuallik, libidoni oshishi, tajovuzkorlik, ruxiy buzilishlar, perikardit, tasodifan uxlab qolish, tana vazni kamayishi yoki oshishi, burun bitishi.

 

Qoʻllash mumkin boʻlmagan holatlar
  • kabergolinga yoki preparatning boshqa komponentlariga, shuningdek har qanday shoxkuya alkaloidlariga yuqori sezuvchanlik.
  • fibroz oʻzgarishlar yoki anamnezda shunday holatlar boʻlgan tufayli yurak va nafas funksiyalarini buzilishi.
  • davomli terapiyada: davolashdan oldin oʻtqazilgan exokardiografik (ExoKG) tekshiruvlar bilan tastiqlangan yurak klapan apparati patologiyasini anatomik belgilari (shu jumladan, klapan tavaqalarini qalinlanishi, klapan tavaqalarini torayishi, aralash patologiyasi: klapanlar yetishmovchiligi va stenozi).
  • 16 yoshdan kichik bolalarda (preparatning xavfsizligi va samaradorligi aniqlanmagan).
  • laktozani oʻzlashtiriolmasligi, laktazani tanqisligi, glyukoza-galaktoz malabsorbsiyasi.

Ehtiyotkorlik bilan

Boshqa shoxkuya hosilalari kabi Dostineks® ni, quyidagi holatlarda va/yoki kasalliklarda ehtiyotkorlik bilan buyurish kerak:

  • homiladorlik fonida rivojlangan arterial gipertenziya, masalan preeklampsiya yoki tugʻruqdan keyingi arterial gipertenziya (Dostineks® ni faqat preparatni qoʻllashdan boʻladigan potensial foyda, mumkin boʻlgan xavfdan ahamiyatli ustun boʻlgan hollarda buyuriladi);
  • ogʻir yurak-qon tomir kasalliklari, Reyno sindromi;
  • peptik yara, meʼda-ichak qon ketishlari;
  • ogʻir jigar yetishmovchiligi (kichik dozalarni qoʻllash tavsiya qilinadi);
  • ogʻir ruxiy yoki kognitiv buzilishlar (shu jumladan anamnezdagi);
  • gipotenziv taʼsir koʻrsatuvchi preparatlar bilan bir vaqtda qoʻllash (ortostatik gipotenziyani rivojlanish xavfi tufayli).

 

Dorilarning oʻzaro taʼsiri

Kabergolin va boshqa shoxkuya alkaloidlarining oʻzaro taʼsiri toʻgʻrisida maʼlumotlar yoʻq, shuning uchun bu dori vositalarini bir vaqtda Dostineks® preparati bilan uzoq muddatli davolash vaqtida buyurish tavsiya qilinmaydi.

Kabergolin dofamin retseptorlarini toʻgʻridan-toʻgʻri ragʻbatlantirishi yoʻli orqali terapevtik taʼsir koʻrsatishi tufayli, uni dofamin antagonistlari kabi taʼsir qiluvchi preparatlar (fenotiazinlar, butirofenonlar, tioksantenlar, metoklopramid va boshq.)  bilan bir vaqtda buyurish mumkin emas, chunki ular kabergolinning prolaktinning konsentratsiyasini pasaytirishga qaratilgan taʼsirini susaytirishi mumkin.

Boshqa shoxkuya hosilalari kabi kabergolinni bir vaqtda antibiotik-makrolidlar (masalan, eritromitsin) bilan qoʻllash mumkin emas, chunki bu kabergolinning tizimli biokiraolishligini oshishiga olib kelishi mumkin.

 

Maxsus koʻrsatmalar

Giperprolaktinemiya bilan bogʻliq buzilishlarni davolash maqsadida Dostineks® preparatini buyurishdan avval gipofizning faoliyatini toʻliq tekshirishni oʻtkazish kerak.

Bundan tashqari, yurak-qon tomir tizimining faoliyatini, shu jumladan yurakning klapan apparati faoliyatini, simptomsiz kechadigan buzilishlarini aniqlash maqsadida ExoKG oʻtkazish kerak.

Boshqa shoxkuya hosilalari qoʻllanganda boʻlgani kabi, kabergolin uzoq vaqt davomida qabul qilinganidan soʻng patsiyentlarda plevrada suyuqlikni yigʻilishi/plevra fibrozi va valvulopatiyalar kuzatilgan. Ayrim hollarda patsiyentlar dofaminning ergotonin agonistlari bilan ilgari davolanganlar. Shuning uchun Dostineks® preparatini, yurak yoki nafas faoliyatini, anamnezida fibroz oʻzgarishlari yoki yuqoridagi holatlari bilan bogʻliq boʻlgan, buzilishlarini klinik simptomlari va/yoki belgilari boʻlgan patsiyentlarda qoʻllash mumkin emas. Qon regurgitatsiyasini paydo boʻlishi yoki yomonlashishi, klapanlar boʻshligʻini klapanlarning yorigʻini torayishi yoki klapanlar tavaqalarini qalinlashishi belgilari aniqlanganida preparat qabul qilishni bekor qilish kerak (“Qoʻllash mumkin boʻlmagan holatlar” boʻlimiga qarang).

Plevrada suyuqlikni yigʻilishi yoki plevral fibroz rivojlanganida eritrotsitlarni choʻkish tezligini oshishi aniqlangan. Eritrotsitlar choʻkish tezligini nomaʼlum oshishi aniqlanganida, koʻkrak qafasini rentgenografik tekshirish tavsiya etiladi. Tashxis qoʻyishda, shuningdek qon plazmasida kreatininning konsentratsiyasini tekshirish, buyrak faoliyatini baholash ham yordam berishi mumkin. Dostineks® preparatini qabul qilish toʻxtatilganidan soʻng plevrada suyuqlikni yigʻilishi/plevra fibrozi yoki valvulopatiyasi boʻlgan patsiyentlarda simptomlarni yomonlashishi kuzatilgan.

Kabergolinni, qon regurgitatsiyasi belgilari boʻlgan patsiyentlarning holatini yomonlashtirishi mumkinligi nomaʼlum. Yurakning klapan apparatini fibrozli shikastlanishi belgilari aniqlanganida Kabergolinni qoʻllash mumkin emas (“Qoʻllash mumkin boʻlmagan holatlari” boʻlimiga qarang).

Fibrotik buzilishlar simptomsiz rivojlanishi mumkin. Shu sababli kabergolin bilan uzoq vaqt davomida davolanayotgan patsiyentlarning holatini muntazam ravishda nazorat qilish va quyidagi simptomlarga alohida eʼtibor berish kerak:

  • hansirash, nafas faoliyatini qiyinlashishi, oʻtib ketmaydigan yoʻtal yoki koʻkrak qafasida ogʻriq kabi plevra-oʻpka buzilishlari;
  • buyrak yetishmovchiligi yoki siydik chiqarish yoʻli yoki qorin boʻshligʻi aʼzolarining qon tomirlarini obstruksiya, bu yonbosh yoki beldagi ogʻriqlar va oyoqlarni shishi bilan kechishi mumkin, qorin sohasi paypaslanganida kuzatiladigan har qanday shish va ogʻriq retroperitoneal fibroz rivojlanganligidan dalolat berishi mumkin;
  • perikardial fibroz va yurak klapanlari tavaqasini fibrozi koʻproq yurak yetishmovchiligini avj olishiga olib keladi. Shu sababli yurak yetishmovchiligi simptomlari paydo boʻlganida yurak klapanlari tavaqalari (va konstriktiv perikardit) ni istisno qilish kerak.

Fibrotik buzilishlar rivojlanishini aniqlash uchun patsiyentning holatini muntazam ravishda monitoring qilish kerak. ExoKG birinchi marta davolash boshlanganidan soʻng 3-6 oydan keyin oʻtkazilishi kerak. Soʻngra ushbu tekshiruv patsiyentning holatini klinik baholashga qarab oʻtkazish, yuqorida taʼriflangan simptomlarga alohida eʼtibor berib, kamida har 6-12 oyda oʻtkazish kerak.

Boshqa monitoring usullarini (masalan, fizikal tekshirishlar, jumladan yurak auskultatsiyasi, rentgenografiya, kompyuter tomografiya) oʻtkazish zaruriyati har bir patsiyent uchun individual ravishda baholanadi.

Dozalarni oshirilganida patsiyentlar, terapevtik samaralarni taʼminlaydigan eng kichik samarali dozani aniqlash maqsadida, shifokorning kuzatuvi ostida boʻlishlari kerak. Samarali dozalash tartibi tanlanganidan keyin, prolaktinning qon zardobidagi konsentratsiyasini muntazam aniqlashni (1 oyda 1 marta) oʻtkazish tavsiya qilinadi. Prolaktin darajasini meʼyorlashishi odatda davolashning 2-4 haftasida kuzatiladi.

Dostineks® preparati bekor qilinganidan keyin odatda giperprolaktinemiya kuzatiladi, ammo ayrim patsiyentlarda prolaktinni konsentratsiyasini bir necha oy davomida turgʻun susaytirilishi aniqlanadi. Koʻpchilik ayollarda ovulyator sikllar Dostineks® preparati bekor qilinganidan keyin kamida 6 oy davomida saqlanadi.

Dostineks® giperprolaktinemik gipogonadizmli ayollarda ovulyatsiya va fertillikni tiklaydi. Chunki homiladorlik hayz koʻrish tiklanishigacha yuz berishi mumkinligi tufayli, amenoreya davri davomida kamida 4 haftada 1 marta, hayz koʻrish tiklanganidan keyin esa har gal, hayz koʻrish 3 kundan koʻproqqa kechikkanida homiladorlikka testlarni oʻtkazish tavsiya qilinadi. Homiladorlikdan saqlanishni xohlagan ayollar Dostineks® preparati bilan davolash vaqtida, shuningdek preparat bekor qilinganidan keyin anovulyatsiya qaytarilgunicha kontratsepsiyaning toʻsiqli usullarini ishlatishlari kerak. Homiladorlik boshlangan ayollar, gipofizni kattalashishi belgilarini oʻz vaqtida aniqlash uchun, shifokorning kuzatuvi ostida boʻlishlari kerak, chunki homiladorlik vaqtida gipofizning mavjud boʻlgan oʻsmalarining oʻlchamlari oshishi mumkin.

Dostineks®ni ogʻir jigar yetishmovchiligi boʻlgan patsiyentlarga juda kichik dozalarda (Chayld-Pyu tasnifi boʻyicha S sinfi) buyurish kerak, ularga preparat bilan uzoq muddat davolanish koʻrsatilgan. Bunday patsiyentlarga bir marta 1 mg doza buyurilganida sogʻlom koʻngillilar va kamroq ifodalangan jigar yetishmovchiligi boʻlgan patsiyentlar bilan solishtirganida AUC (“konsentratsiya-vaqt” egri chizigʻi osti maydoni) oshishi aniqlangan.

Kabergolinni qoʻllash uyquchanlikni chaqiradi. Parkinson kasalligi boʻlgan patsiyentlarda dofamin retseptorlarining agonistlarini qoʻllash toʻsatdan uyquni chaqirishi mumkin. Bunday hollarda Dostineks® preparati dozasini kamaytirish yoki davolashni toʻxtatish tavsiya qilinadi.

Preparatni keksa yoshdagi giperprolaktinemiya bilan bogʻliq buzilishlari boʻlgan patsiyentlarda qoʻllash boʻyicha tekshirishlar oʻtkazilmagan. 16 yoshdan kichik bolalarda preparatning xavfsizligi va samaradorligi aniqlanmagan.

Homiladorlik va laktatsiya

Homilador ayollarda Dostineks®ni qoʻllash bilan boʻlgan nazoratli klinik tekshirishlar oʻtkazilmagni uchun, preparatni homiladorlik vaqtida faqat juda zarur hollarda, ayol va homila uchun foyda/xavf nisbatini hisobga olib buyurish mumkin.

Agarda homiladorlik Dostineks® preparat bilan davolash fonida boshlangan boʻlsa, preparatni bekor qilishni, shuningdek foyda/xavf nisbatini hisobga olib koʻrib chiqish maqsadga muvofiqdir. Garchi mavjud boʻlgan maʼlumotlarga koʻra Dostineks® preparatini giperprolaktinemiya bilan bogʻliq buzilishlar boʻyicha haftada 0,5-2 g dozada qoʻllash bola tashlashlarni, muddatdan oldin tugʻishlarni, koʻp homilali homiladorlik va rivojlanishning tugʻma nuqsonlari sonini oshishi bilan kechmasada hisobga olib, kamida bir oy davomida homiladorlikni yuz berishidan saqlanish kerak.

Preparatni koʻkrak suti bilan chiqarilishi toʻgʻrisida maʼlumotlar yoʻq, ammo Dostineks® preparatni laktatsiyani toʻxtatish yoki bostirish uchun onalarga qoʻllashdan samara boʻlmaganida emizishdan saqlanish kerak. Giperprolaktinemiya bilan bogʻliq buzilishlarda Dostineks®ni emizishni xohlagan onalarga buyurish mumkin emas.

Transport vositalarni va mexanizmlarni boshqarish qobiliyatiga taʼsiri

Dostineks® preparatini qoʻllayotgan patsiyentlar transport vositalarni va mexanizmlarni boshqarishdan va diqqat konsentratsiyani va psiximotor reaksiyalar tezligini talab qiladigan boshqa potensial xavfli faoliyat turlari bilan shugʻullanishidan saqlanishlari kerak.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Dozani oshirib yuborilishining simptomlari (ehtimol, dofamin retseptorlarini giperstimulyatsiya simptomlari): koʻngil aynishi, dispeptik buzilishlar, ortostatik arterial gipotenziya, ongni chalkashishi, psixoz, gallyutsinatsiyalar.

Doza oshirib yuborilganida preparatni chiqarishga qaratilgan soʻrilmagan preparatni chiqarilishiga yoʻnalgan yordamchi tadbirlarni (meʼdani yuvish) va zarurati boʻlganida arterial bosimni tutib turish kerak. Dofamin antagonistlarini buyurish mumkin.

 

Chiqarilish shakli

Tabletkalar 0,5 mg

2 yoki 8 tabletkadan buraluvchi alyuminiy qopqoqli taglikda qurituvchi agent va tubida gʻovaksimon qogʻoz saqlovchi plastik toʻq I tur shisha flakonda. 1 flakon qoʻllash boʻyicha yoʻriqnomasi bilan karton qutida.

 

Yaroqlilik muddati

2 yil.

 

Saqlash sharoiti

25oS dan yuqori boʻlmagan haroratda.

 

Berish tartibi

Berish tartibi

 

Retsept boʻyicha.