Ilovani yuklab oling
Yuklab olish
Диклофенак Ретард

Oson Apteka - Dorixonalar ma'lumotnomasi

Диклофенак Ретард ТАБЛЕТКА 100мг №20

6 000 so'mdan
(3696)
Dorixonalardagi narx
Xaritada topish
Tavsif
Диклофенак Ретард ТАБЛЕТКА 100мг №20
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Qoʻllash mumkin boʻlmagan holatlar
Dori shakli: 
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Qoʻllash mumkin boʻlmagan holatlar

– bronxial astma, eshakemi yoki rinit bilan namoyon boʻluvchi diklofenakka yoki preparatning boshqa komponentlariga, salitsilatlarga yoki boshqa nosteroid yalligʻlanishga qarshi preparatlarga,oʻta yuqori sezuvchanlik;

– meʼda yoki oʻn ikki barmoq ichakni yarali shikastlanishi, meʼda-ichakdan qon ketishlar;

– yurak yetishmovchiligining ogʻir shakli;

– 1 yoshgacha boʻlgan bolalarda qoʻllash mumkin emas.

 

Dori shakli: 

Ichakda eruvchan qobiq bilan qoplangan tabletkalar.

 

Tarkibi:

Bir tabletka quyidagilarni saqlaydi:

Faol modda: Diklofenak natriy – 50 mg.

Yordamchi moddalar: laktoza, mikrokristall sellyuloza, natriy kraxmal-glikolyati, makkajoʻxori kraxmali, povidon, metilgidroksibenzoat, propilgidroksibenzoat, talk, magniy stearati, kolloid kremniy dioksidi (suvsiz).

Qobigʻi (ichakda eruvchan): gipromelloza, polietilenglikol 6000, polisorbat 80, titan dioksidi, talk, propilenglikol, metakril kislota-akrilat sopolimeri, temir II oksidi, temir III oksidi.

 

Taʼrifi:

 Dumaloq, biroz ikki tomoni qavariq, ichakda eruvchan qobiq bilan qoplangan jigarrang-sariq rangli tabletkalar.

 

Farmakoterapevtik guruhi: 

Nosteroid yalligʻlanishga qarshi vosita.

 

 

Farmakologik xususiyatlari

Farmakodinamikasi

Diklofenak ogʻriq qoldiruvchi, yalligʻlanishga qarshi va antipiretik samaralarga ega nosteroid yalligʻlanishga qarshi vositadir. U siklooksigenaza faolligini va prostaglandinlar sintezini ingibitsiya qiladi. Diklofenak bilan davolanish vaqtida prostaglandinlar darajasini pasayishi siydikda, meʼda shilligʻida va sinovial suyuqlikda kuzatiladi. Preparat revmatik kasalliklarning hamma shakllarini davolash uchun, shuningdek turli genezli ogʻriq sindromini kamaytirish uchun qoʻllanadi.

 

Farmakokinetikasi

Peroral qabul qilinganda diklofenak tez soʻriladi. Plazmada choʻqqi konsentratsiyasi preparatning turiga koʻra 1 dan 4 soatgacha boʻlgan vaqt davomida rivojlanadi.

Ovqat qabul qilish diklofenakning qon plazmasidagi darajasiga taʼsir qilmaydi.

Diklofenak qon zardobi oqsillari, asosan albuminlar bilan 99% bogʻlanadi. Diklofenak sinovial suyuqlikka oʻtadi, u yerda qon plazmasidagi konsentratsiyasi 60-70% ga yetadi. 3-6 soatdan keyin Diklofenakni va uning metabolitlarining sinovial suyuqligidagi konsentratsiyasi qon plazmasidagidan yuqori boʻladi. Diklofenak sinovial suyuqligidan qon plazmasidagiga qaraganda sekinroq chiqariladi.

Yakuniy yarim chiqarilish davri (T1/2) 1-2 soatni tashkil qiladi. Buyrak va jigar faoliyatining yengil buzilishlari boʻlgan patsiyentlarda yarim chiqarilish davri oʻzgarmaydi.

Diklofenak deyarli jigarda toʻliq, asosan gidroksil guruhini qoʻshilishi va metoksillanish yoʻli orqali metabolizmga uchraydi.

Preparatning dozasini taxminan 70% siydik bilan farmakologik faol boʻlmagan metabolitlari koʻrinishida chiqariladi. Diklofenakning faqat 1% oʻzgarmagan holda chiqariladi. Metabolitlarining qolgan qismi safro va ahlat bilan chiqariladi.

Keksa yoshdagi patsiyentlarda preparatning soʻrilishi, metabolizmi yoki chiqarilishi ahamiyatli oʻzgarmaydi.

 

Qoʻllanilishi

Yalligʻlanishga qarshi yoki ogʻriq qoldiruvchi samaraga tez erishish kerak boʻlgan kasalliklarda:

– revmatik yalligʻlanish kasalliklari (revmatoid artrit, seronegativ spondiloartrit, surunkali yuvenil artrit va boshqa etiologiyali artritlar);

– tayanch-harakat apparatining degenerativ revmatizmi (artroz, spondilez);

– mikrokristall artritlar (podagrik artrit, soxtapodagrik artrit);

– boʻgʻimdan tashqari revmatizm (periartrit, bursit, miozit, tendinit, sinovit);

– skelet-mushak tizimining ogʻriq bilan kechuvchi boshqa kasalliklari.

Ogʻriq qoldiruvchi sifatida Diklofenak yumshoq toʻqimalarning jarohatlarida, stomatologiyada, jarrohlik aralashuvlardan soʻng, ogʻir migrenoz xurujlarda, shuningdek buyrak yoki oʻt qopi sanchiqlarida ishlatiladi.

 

Qoʻllash usuli va dozalari

Tabletkalar ovqatlanish vaqtida yoki ovqatdan soʻng darhol qabul qilinadi, ular butunligicha suyuqlik bilan birga qabul qilinadi.

Kattalar

Boshlangʻich doza kasallikning ogʻirligiga qarab, sutkada 100 yoki 150 mg (1 tabletkadan sutkada 2-3 marta) ni tashkil qiladi.

Samarani bir maromda ushlab turuvchi doza odatda sutkada 100 mg ni tashkil qiladi.

Tabletkalar Diklofenakning boshqa dori shakllari bilan birga qoʻllanganida preparatning umumiy sutkalik dozasini hisobga olish lozim, yaʼni diklofenak natriyning umumiy sutkalik dozasi 150 mg dan oshmasligi kerak.

Bolalar

Yuvenil artriti boʻlgan 1 yoshdan oshgan bolalarga sutkalik doza, 2-3 marta qabul qilishga boʻlingan, tana vaznini har kg ga 1-3 mg ni tashkil qiladi.

Preparatni keksa yoshdagi patsiyentlarda buyrak yoki jigar yetishmovchiligining ogʻir shakllari boʻlgan patsiyentlarda ehtiyotkorlik bilan ishlatish kerak (“Maxsus koʻrsatmalar va ehtiyotkorlik choralari” boʻlimiga qarang).

 

Nojoʻya taʼsirlari

Meʼda-ichak yoʻllari tomonidan:

Tez-tez emas: koʻngil aynishi, diareya, qabziyat, meʼda sanchigʻi, dispepsiya, meteorizm.

Tez-tez: qon ketishi, yaralar, perforatsiyalar.

Alohida hollarda: meʼda-ichak yoʻllarining quyi boʻlimlarining shikastlanishi, shu jumladan nospetsifik gemorragik kolit, yarali kolit yoki Kron kasalligining qaytalanishi yoki zoʻrayishi kuzatiladi.

Markaziy nerv tizimi tomonidan:

Tez-tez: bosh ogʻrigʻi va vertigo.

Tez-tez emas: bosh aylanishi, depressiya, uyqusizlik, charchoqlik, xavotirlik, taʼsirchanlik, uyquchanlik.

Buyrak tomonidan oʻzgarishlar:

Kam hollarda: buyrak yetishmovchiligi, oʻtkir buyrak yetishmovchiligi, gematuriya.

Alohida hollarda: interstitsial nefrit, nefrotik sindrom, buyrak soʻrgʻichlarining nekrozi yoki proteinuriya.

Jigar tomonidan oʻzgarishlari:

Kam hollarda: xolestaz, sariqlik, simptomsiz gepatit (shu jumladan oʻtkir gepatit, surunkali faol gepatit), gepatotsillyular nekroz.

Alohida hollarda: fulminant (yashin tezligida rivojlanadigan) gepatit.

Teri tomonidan oʻzgarishlar va oʻta yuqori sezuvchanlik reaksiyalari:

Tez-tez: toshma yoki ekzantema.

Tez-tez emas: qichishish yoki eshakemi.

Alohida hollarda: fotosezuvchanlik, anafilaktik reaksiyalar (bronxospazm, angionevrotik shish, anafilaktik shok).

Yurak qon-tomir tizimi tomonidan:

Shishlar, arterial gipertenziya va yurak yetishmovchiligi. Klinik tadqiqot maʼlumotlariga va epidemiologik maʼlumotlar asosida diklofenakni ayniqsa yuqori dozalarda (150 mg dan har kuni) uzoq vaqt davomida qoʻllash, arteriyalarning trombozini rivojlanishi xavfini (masalan, miokard infarkti yoki insultning rivojlanish xavfi) biroz oshishi bilan bogʻliq boʻlishini taxmin qilish mumkin.

Qon yaratish aʼzolari tomonidan oʻzgarishlar:

Alohida hollarda: anemiya, trombotsitopeniya, leykopeniya, agranulotsitoz.

Nojoʻya samaralari paydo boʻlganida davolashni toʻxtatish kerak. Patsiyentlar nojoʻya samaralari yoki ularni eslatuvchi belgilarni rivojlanishi toʻgʻrisida shifokorni xabardor qilishlari kerak.

 

Dorilarning oʻzaro taʼsiri

Patsiyentlar har qanday dori vositasini qabul qilayotganliklari haqida, shu jumladan oʻzlari mustaqil qabul qilayotganlari haqida ham shifokorga xabar berishlari kerak.

Diklofenakni birga qoʻllash va:

-litiy yoki digoksin – ularning qon plazmasidagi konsentratsiyasini oshishiga olib kelishi mumkin;

-baʼzi diuretiklar – diuretik taʼsirini pasaytiradi;

-kaliy tejovchi diuretiklar – qondagi kaliy miqdorini oshirishi mumkin;

-atsetilsalitsil kislotasi va boshqa NYAQV – nojoʻya samaralarining rivojlanishi taʼsiri xavfini oshiradi;

-siklosporin – siklosporinning nefrotoksikligi oshadi;

-metotreksat – metotreksatning toksikligini oshiradi;

-antigipertenziv vositalar – ularning samarasini pasaytiradi;

Diklofenak odatda peroral gipoglikemik vositalarning samaradorligini oʻzgartirmaydi.

 

Maxsus koʻrsatmalar

Preparatning nojoʻya samaralari eng kichik samarali dozani belgilarni yengillashtirish uchun kerak boʻlgan eng kichik davr davomida qoʻllash bilan pasaytirilishi mumkin.

Anamnezida meʼda-ichak yoʻllarining yuqori boʻlimlarida kasalliklari boʻlgan bemorlarni Diklofenak bilan davolashda davolovchi shifokor tomonidan sinchiklab kuzatish kerak.

Meʼda-ichak yarasiga qarshi preparatlarni birga qoʻllash tavsiya qilinadi.

Preparatni yarali kolitda va Kron kasalligida kasallikni zoʻrayishi mumkinligi tufayli ehtiyotkorlik bilan ishlatish kerak.

Buyrak, yoki jigar yetishmovchiligining ogʻir shakllari boʻlgan patsiyentlarda, qon ivishini buzilishida, tutqanoqli, porfiriyali patsiyentlarda, shuningdek antikoagulyantlarni yoki fibrinolitiklarni qabul qilayotgan patsiyentlarda preparatni ehtiyotkorlik bilan ishlatish kerak.

Diklofenak uzoq muddat qoʻllanganida, garchi kam hollarda boʻlsada, jiddiy gepatotoksik reaksiyalar boʻlishi mumkin, shuning uchun jigar faoliyatini tekshirish tavsiya qilinadi.

Infeksion kasalliklarda Diklofenakning yalligʻlanishga qarshi va antipiretik samaralari bu kasallik belgilarini niqoblashi mumkin.

Keksa yoshdagi shaxslarga, boshqa dori vositalarini qoʻllash hollaridagi kabi, Diklofenakni minimal samarali dozalarda ishlatish kerak.

Yurak qon-tomir va serebrovaskulyar tizimlariga taʼsiri:

Arterial gipertenziyasi va/yoki yengil yoki oʻrtacha darajadagi dimlangan yurak yetishmovchiligi boʻlgan patsiyentlarni organizmda suyuqlikni tutilishi va nosteroid yalligʻlanishga qarshi vositalar (NYAQV) bilan davolanish fonida shishlarning rivojlanishi mumkinligi tufayli, sinchkov nazorat talab qilinadi.

Klinik tadqiqot maʼlumotlari va epidemiologik maʼlumotlar asosida diklofenakni, ayniqsa yuqori dozalarda (150 mg dan har kuni) uzoq vaqt davomida qoʻllash, arteriyalarning trombozi rivojlanish xavfini (masalan, miokard infarkti yoki insult rivojlanishining xavfi) biroz oshish xavfi bor deb taxmin qilish mumkin. Preparatni nazorat qilinmaydigan arterial gipertenziyasi, dimlangan yurak yetishmovchiligi, aniqlangan yurak ishemik kasalligi, periferik qon-tomirlarning kasalliklari va/yoki serebrovaskulyar kasalliklari boʻlgan patsiyentlarga buyurilganda alohida ehtiyotkorlik namoyon qilish kerak.

Preparatni yurak qon-tomir asoratlarining rivojlanishini xavf omillari (masalan, arterial gipertenziya, giperlipidemiya, qandli diabet, chekish) boʻlgan patsiyentlarga uzoq muddat buyurishdan oldin sinchkov tahlil oʻtkazish kerak.

Homiladorlik va laktatsiya davrida qoʻllanishi.

Homiladorlarda faqat kutilayotgan foyda homila uchun potensial xavfdan ustun boʻlgandagina qoʻllash mumkin.

Diklofenakni homiladorlikning oxirgi uch oyligida va emizish davri davomida qoʻllash mumkin emas.

Avtomobilni va murakkab mexanizmlarni boshqarish qobiliyatiga taʼsiri.

Diklofenak avtotransportni yoki mashinali qurilmalarni boshqarish qobiliyatini ahamiyatli oʻzgartirmaydi.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Diklofenakning dozasini oshirib yuborilishi uchun xarakterli tipik klinik manzara yoʻq. Dozani oshirib yuborilishi qusish, meʼda-ichakdan qon ketishlari, diareya, bosh aylanishini, quloqlarda shovqin yoki tirishishlar kabi simptomlar bilan birga kechishi mumkin. Yaqqol zaharlanish holida oʻtkir buyrak yetishmovchiligi va jigarni shikastlanishi rivojlanishi mumkin.

Davolash. NYAQV bilan oʻtkir zaharlanishni davolash tutib turuvchi va simptomatik davolashdan iborat. Arterial gipotenziya, buyrak yetishmovchiligi, tirishishlar, meʼda-ichak yoʻllari tomonidan buzilishlar va nafasni susayishi kabi asoratlarda tutib turuvchi va simptomatik davolash koʻrsatilgan. Jadallashtirilgan diurez, gemodializ yoki gemoperfuziya NYAQV chiqarilishida foydali boʻlishi extimoli kam, chunki bu preparatlarning faol moddalari plazma oqsillari bilan yuqori darajada bogʻlanadi va jadal metabolizmga uchraydi.

 

Chiqarilish shakli

10 tabletkadan blisterda. 10 blisterdan №2; №5; №10 qoʻllash boʻyicha yoʻriqnoma bilan karton qutiga joylangan.

 

Saqlash sharoiti

Quruq, yorugʻlikdan himoyalangan joyda, 300S yuqori boʻlmagan haroratda saqlansin.

 

Yaroqlilik muddati

2 yil.

 

Dorixonalardan berish tartibi

Retsept boʻyicha.