Ilovani yuklab oling
Yuklab olish
Дакарбазин ЛИОФИЛИЗАТ

Oson Apteka - Dorixonalar ma'lumotnomasi

Дакарбазин ЛИОФИЛИЗАТ ДЛЯ ИНЪЕКЦИЙ 200мг №1

85 000 so'mdan
(2765)
Dorixonalardagi narx
Xususiyatlari
Xalqaro nomi
Dacarbazine
Ishlab chiqaruvchi
ЦЕЛОН ЛАБОРАТОРИЗ
Chiqarilish shakli
ЛИОФ Д/ИНф
Farma. Guruh
Противоопухлевые препараты
Dori tafsilotlari
Dori shakli:
Tarkibi:
Taʼrifi: 
Farmakoterapevtik guruhi:
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Dori shakli:

 vena ichiga yuborish uchun eritma tayyorlash uchun liofilizat

 

Tarkibi:

 

Faol modda:

Dakarbazin

100 mg

200 mg

500 mg

1000 mg

Yordamchi moddalar:

 

 

Suvsiz limon kislotasi

100 mg

200 mg

500 mg

1000 mg

Mannitol

50 mg

75 mg

187,5 mg

375 mg

 

Taʼrifi: 

oq yoki biroz sargʻish kukun yoki gʻovak massa.

 

 

Farmakoterapevtik guruhi:

 oʻsmalarga qarshi vosita, alkillovchi birikma.

Farmakologik xususiyatlari

Farmakodinamikasi

Dakarbazin – sitostatik vosita. Oʻsmalarga qarshi taʼsiri xujayra siklidan qatʼiy nazar, xujayrani oʻsishini va DNK sintezini ingibitsiya qilish hisobiga amalga oshiriladi. Dakarbazin alkillovchi taʼsirga ega boʻlib, shuningdek boshqa sitostatik samaralarni namoyon etadi.

Dakarbazinning xususiy faolligi bilan namoyon boʻlmaydigan, oʻsmalarga qarshi taʼsiri toʻgʻridan-toʻgʻri boʻlmay, balki preparatning alkillovchi taʼsirini namoyon etuvchi faol metabolitlari: 5-amino-imidazol-4-karboksamid va metil-kationni hosil boʻlishiga olib keluvchi jigardagi mikrosomal N-demetillanish hisobiga amalga oshiriladi deb hisoblanadi.

Farmakokinetikasi

Vena ichiga yuborilgandan keyin dakarbazin toʻqimalarda tez taqsimlanadi. Plazma oqsillari bilan bogʻlanishi taxminan 5% ni tashkil qiladi. Preparatning qon plazmasidagi kinetikasi ikki fazali xarakterga ega: birinchi (taqsimlanish) fazasida yarim chiqarilish davri (T1/2) taxminan 20 minutni, yakuniy yarim chiqarilish davri – 0,5-3,5 soatni tashkil etadi.

Dakarbazin jigarda sitoxroma P450 ishtirokida metabolizmga uchrashi natijasida faol birikmalar 5-[3-(gidroksi-metill-3-metil-triazen-1-il]imidazol-5-karboksamid (GMMTIK) va keyinchalik 5-aminoimidazol-4-karboksamidga aylanuvchi 3-monometil-(triazen-1-il)imidazol-4-karboksamid (MTIK) hosil boʻladi.

Asosan jigarda gidroksil guruhini qoʻshilishi va demetillanish yoʻli bilan metabolizmga uchraydi; dakarbazinning taxminan 20-50% buyrak naychalari sekretsiyasi hisobiga buyraklar orqali oʻzgarmagan holda chiqariladi.

 

 

Qoʻllanilishi
  • metastazlanuvchi xavfli melanoma;

majmuaviy davolash tarkibida:

  • tarqalgan limfogranulematoz (Xodjkin kasalligi);
  • kattalardagi yumshoq toʻqimalarning tarqoq sarkomasi (mezoteliomadan, Kaposhi sarkomasidan tashqari).

Osteogen sarkoma, bachadon sarkomasi, plevra va qorin pardaning mezoteliomasi, oʻpkalarning mayda xujayrali raki, qalpoqsimon bezining raki, karsinoid, feoxromotsitomalar, insulinoma, neyroblastomalar va gliomalarni davolashda dakarbazinni boshqa sitostatiklar bilan birga qoʻllashning samaradorligi haqida xabarlar bor.

 

 

Qoʻllash usuli va dozalari

Preparat vena ichiga yuboriladi.

Mahalliy xarakterga ega ogʻriq va yumshoq toʻqimalarni shikastlanishini chaqirishi mumkin boʻlgan preparatning ekstravazatsiyasini (qon tomiridan tashqariga tushishini) oldini olish uchun uni ehtiyotkorlik bilan yuborish lozim. Ekstravazatsiya belgilari paydo boʻlgan hollarda yuborishni darhol toʻxtatish, preparatning qolgan dozasini esa, boshqa venaga yuborish lozim.

Quyida odatda qoʻllaniladigan davolash tartiblari keltiriladi.

Individual davolash tartibini tanlashda maxsus tibbiy adabiyot maʼlumotlaridan foydalanish kerak.

Xavfli melanoma

Dakarbazin monoterapiya koʻrinishida har 3 haftada 5 kun davomida tana yuzasiga 200-
250 mg/m2 dozada vena ichiga qoʻllanishi mumkin. Preparat bolyus ravishda yoki uzoq davom etmaydigan (15–30 minutli) infuziya koʻrinishida yuboriladi. Shuningdek preparatni davolashning birinchi kuni va keyinchalik har 3 haftada bir marta tana yuzasiga 850 mg/m2 dozada infuzion ravishda vena ichiga yuborish mumkin.

Xodjkin kasalligi

Dakarbazin har 15 kunda tana yuzasiga 375 mg/m2 sutkalik dozada vena ichiga doksorubitsin, bleomitsin va vinblastin bilan majmuada (ABVD sxemasi) qoʻllanadi.

Yumshoq toʻqimalar sarkomasi

Yumshoq toʻqimalar sarkomasida preparat kattalarda har 3 haftada 1-5 kunlari tana yuzasiga 250 mg/m2 sutkalik dozada vena ichiga doksorubitsin bilan majmuada (ADIC sxemasi) qoʻllanadi.

Dakarbazin bilan davolash jarayonida qonning shaklli elementlari va jigar va buyrak faoliyati koʻrsatkichlari nazoratini muntazam oʻtkazib turish lozim. Dakarbazin bilan davolash jarayonida koʻpincha meʼda-ichak yoʻllari tomonidan ogʻir nojoʻya reaksiyalar roʻy berishi tufayli, qusishga qarshi vositalar bilan davolashni buyurish va erishilgan samarani tutib turuvchi choralarni oʻtkazish lozim.

Meʼda-ichak yoʻllari faoliyatini va qon yaratish tizimini yuz berishi mumkin boʻlgan ogʻir buzilishlarini nazarda tutib, dakarbazin bilan har bir davolash siklini boshlashdan oldin patsiyent uchun foyda/xavf nisbatini baholab koʻrish lozim.

Davolash davomiyligi har bir holatda kasallik, kasallik bosqichlari, oʻtkazilayotgan davolash usuli, davolashga boʻlgan javob, nojoʻya samaralarni hisobga olgan holda davolovchi shifokor tomonidan shaxsiy ravishda belgilanadi.

Tarqoq limfogranulematozda odatda ABVD sxemasi boʻyicha 6 davolash siklini buyurish tavsiya qilinadi. Metastazlanuvchi xavfli melanomada va yumshoq toʻqimalarning tarqoq sarkomasida davolash davomiyligi har bir konkret holatda preparatning samardorligi va oʻzlashtiraolinishi bilan belgilanadi.

Yuborish usuli

200 mg/m2 gacha boʻlgan dozalar vena ichiga oqim bilan sekin yuboriladi. Katta dozalarni (200 dan 850 mg/mgacha dozalarni) vena ichiga infuzion ravishda 15-30 minut davomida yuborish kerak. Preparatni yuborishdan oldin 0,9% li natriy xloridi eritmasi yoki 5% li dekstroza eritmasini vena ichiga oqim bilan inyeksiya qilish yoʻli bilan venani oʻtkazuvchanligiga ishonch hosil qilish lozim. Xuddi shu eritmalarning oʻzi preparatni yuborish tugaganidan keyin, shpris yoki tomchilatgichdan qolgan preparatni yoʻqotish uchun ishlatilishi mumkin.

Inyeksiya uchun suv qoʻshib tayyorlangan preparatning 100 va 200 mg dozali (konsentratsiyasi 10 mg/ml) va keyinchalik suyultirmasdan qoʻllashga tayyor boʻlgan eritmasi gipoosmotikdir (taxminan 100 mOsmol/kg) va shuning uchun 1 minutdan ortiq davomiylikdagi sekin vena ichiga inyeksiyasi yoʻli bilan yuborilishi lozim; bunday yuborish usuli bir necha sekund davomiylikka ega vena ichiga tez bolyus yuborish uchun afzal usul hisoblanadi.

Alohida guruh patsiyentlarida qoʻllashning oʻziga xosligi

Jigar/buyrak yetishmovchiligi boʻlgan bemorlar

Buyrak yoki jigar faoliyatini yengil yoki oʻrtacha darajadagi yetishmovchiligida dakarbazinning dozasiga tuzatish kiritish odatda talab etilmaydi. Buyrak va jigar faoliyatini qoʻshilgan yetishmovchiligi boʻlgan patsiyentlarda dakarbazinni chiqarilishi sekinlashgan boʻladi. Biroq, hozirgi vaqtda bunday bemorlarda preparatning dozasini pasaytirish boʻyicha konkret tavsiyalar mavjud emas.

Keksa patsiyentlar

Dakarbazinni keksa odamlarda qoʻllash tajribasi cheklanganligini nazarda tutib, preparatni ushbu toifa bemorlarda qoʻllash boʻyicha maxsus tavsiyalar mavjud emas.

Eritmani tayyorlash va preparatni ishlatish

Preparat bilan muomala qilish va uning utilizatsiyasini sitotoksik preparatlar bilan muomala qilish qoidalariga amal qilgan holda amalga oshirish lozim.

Preparatning eritmasini tayyorlashni maxsus ajratilgan joyda, maxsus sarf etiladigan materiallar, himoya koʻzoynaklari, niqoblar, qoʻlqoplar, fartukdan foydalanilgan holda oʻtkazish lozim. Aseptika meʼyorlariga amal qilish lozim.

Preparatning eritmasini tayyorlashni bevosita uni qoʻllash oldidan oʻtkaziladi.

Dakarbazin yorugʻlikka sezgir preparatdir. Eritmani UB nurining taʼsirini istisno qiluvchi sharoitlarda tayyorlash va saqlash, xatto uni yuborish vaqtida ham bunga amal qilish lozim. Yuborish vaqtida preparatning eritmasi yorugʻlikning taʼsiridan, masalan, polivinilxloriddan tayyorlangan yorugʻlikdan himoya qiluvchi infuziya uchun maxsus toʻplamni ishlatish yordamida himoya qilinishi lozim. Infuziya uchun oddiy toʻplam UB nurini oʻtkazmaydigan folga yoki plyonkaga oʻralgan boʻlishi lozim.

Preparatning eritmasini tayyorlash

  1. A) 100 mg, 200 mg li flakonlar

Qoʻllashdan oldin preparatni inyeksiya uchun suvning 10 ml (100 mg li flakon) yoki 20 ml (200 mg li flakon) ni ishlatilgan holda (10 mg/ml konsentratsiyaga erishish uchun) eritiladi. Eritma sekin oqim bilan yuboriladi..

Vena ichiga tomchilab yuborish maqsadga muvofiq boʻlganida, olingan eritmani soʻngra 0,9% li natriy xloridi eritmasi yoki 5% li glyukoza eritmasining 200-300 ml da suyultiriladi, shundan soʻng preparatni 15-30 minut davomiylikka ega qisqa infuziya koʻrinishida yuborish amalga oshiriladi.

  1. B) 500 mg, 1000 mg li flakonlar

Preparat inyeksiya uchun suvning 50 ml da eritiladi. Keyin infuziya uchun eritmani tayyorlash uchun, olingan eritmani 0,9% li natriy xloridi eritmasi yoki 5% li dekstroza eritmasining 200-300 ml da suyultiriladi. Infuziya uchun eritmaning konsentratsiya  1,4–2,0 mg/ml ni (500 mg li flakon) yoki 2,8–4,0 mg/ml ni (1000 mg li flakon) tashkil qiladi. Eritma 20-30 minut davomidagi uzoq davom etmaydigan infuziya yoʻli bilan yuboriladi.

Preparatning tayyorlangan eritmasi tiniq boʻlishi va erimaydigan zarrachalarni saqlamasligi lozim. Aks holda eritmani qoʻllash mumkin emas.

Preparat faqat bir marta qoʻllash uchun moʻljallangan. Ishlatilmagan preparat eritmasi yoʻq qilinishi lozim.

Eritmani tayyorlash va uni yuborish uchun ishlatilgan materiallar sitotoksik preparatlarni ishlatish va utilizatsiya qilish qoidalariga muvofiq utilizatsiya qilinishi lozim.

 

Nojoʻya taʼsirlari

Dakarbazinni qoʻllaganda eng koʻp uchraydigan nojoʻya samaralari meʼda-ichak yoʻllari tomonidan (anoreksiya, koʻngil aynishi), shuningdek qon yaratish tizimi tomonidan (anemiya, leykopeniya, trombotsitopeniya) kuzatilgan boʻlib, bunda oxirgi nojoʻya samaralar dozaga bogʻliq va kechikkan xarakterga ega boʻlgan, koʻpincha oʻtkazilgan kimyoterapiyadan soʻng faqat 3-4 haftadan keyingina minimal koʻrsatkichlarga yetgan.

Quyida keltirilgan nojoʻya samaralarning tez-tezligi quyidagi gradatsiyaga muvofiq bayon qilingan: juda tez-tez (>1/10), tez-tez (>1/100, ≤1/10); tez-tez emas (>1/1000, ≤1/100); kam hollarda (>1/10000, ≤1/1000); juda kam hollarda (≤1/10000, shu jumladan alohida xabarlar).

Qon yaratish tizimi tomonidan: tez-tez – anemiya, leykopeniya, trombotsitopeniya, kam hollarda – pansitopeniya, agranulotsitoz.

Immun tizim tomonidan: kam hollarda – anafilaktik reaksiyalar.

Nerv tizimi tomonidan: kam hollarda – bosh ogʻrigʻi, koʻrishni buzilishi, ongni xiralashishi, yaqqol uyquchanlik, tirishishlar, yuz terisini paresteziyasi.

Qon tomir reaksiyalari: kam hollarda – yuzni giperemiyasi.

Meʼda-ichak yoʻllari tomonidan: tez-tez – anoreksiya, koʻngil aynishi, qusish; kam hollarda – diareya.

Jigar va oʻt chiqarish yoʻllari tomonidan: kam hollarda – jigar ichki venalarining okklyuziyasi oqibatidagi hayotga xavf soluvchi jigar nekrozi. Odatda bu sindrom ikkinchi davolash kursi vaqtida yuz bergan. Isitma, eozinofiliya, qorinda ogʻriq, jigar oʻlchamlarini kattalashishi va sariqlikni, shokni oʻz ichiga oluvchi simptomlar bir necha soat yoki kunlar davomida avj olish xususiyatiga ega boʻladi.

Siydik chiqarish tizimi tomonidan: kam hollarda – buyrak faoliyatini buzilishi.

Teri va teri qoplamalari tomonidan: tez-tez emas – allopetsiya, giperpigmentatsiya va terining fotosensibilizatsiyasi; kam hollarda – eritema, makulopapulyoz toshma, eshakemi.

Umumiy buzilishlar va yuborish joyidagi reaksiyalar: tez-tez emas – grippga oʻxshash sindrom, yuborish joyida – ogʻriq. Preparatni ekstravazatsiyasida – yuborish joyida kuchli ogʻriq, oʻrab turgan toʻqimalarni nekrozi.

Laborator koʻrsatikichlar tomonidan: kam hollarda – jigar fermentlari faolligini oshishi.

 

Qoʻllash mumkin boʻlmagan holatlar
  • dakarbazinga yoki preparatning tarkibiga kiruvchi boshqa har qanday komponentiga yuqori sezuvchanlik;
  • homiladorlik va emizish davri;
  • ogʻir leykopeniya va/yoki trombotsitopeniya,
  • ogʻir jigar yoki buyrak yetishmovchiligi;

Ehtiyotkorlik bilan: oʻtkir virusli (shu jumladan suvchechak, oʻrab oluvchi temiratki), zamburugʻli yoki bakterial tabiatiga ega infeksion kasalliklar (ogʻir asoratlarning rivojlanishi va jarayonning tarqalishini xavfi), nur bilan yondosh davolashda ehtiyotkorlik bilan qoʻllanadi.

 

Dorilarning oʻzaro taʼsiri

 

Dakarbazin kimyoviy jihatdan geparin, gidrokortizon, L-sistein va natriy gidrokarbonati bilan nomutanosibdir.

Dakarbazinni gemopoezga taʼsir koʻrsatuvchi davolash (shu jumladan boshqa sitostatik preparatlar bilan davolash, nur bilan davolash) bilan bir vaqtda yoki davolash tugaganidan keyin qoʻllanganda, miyelotoksik taʼsir kuchayishi mumkin.

Dakarbazin sitoxrom P450 (CYP1A1, CYP1A2 va CYP2E1) izofermentlari ishtirokida metabolizmga uchraydi, buni, metabolizmi jigarning aynan shu fermentlari ishtirokida amalga oshiriladigan boshqa preparatlarni birga buyurilganda hisobga olish lozim.

Dakarbazin fotosensibilizatsiya oqibatida metoksipsoralenning taʼsirini kuchaytirishi mumkin.

 

Maxsus koʻrsatmalar

Dakarbazin bilan davolashni klinik, biokimyoviy va gematologik koʻrsatkichlarni ham davolash kursi vaqtida, ham u tugaganidan soʻng muntazam nazoratini taʼminlash imkonini beruvchi sharoitlarda, oʻsmalarga qarshi kimyoterapiyani oʻtkazish tajribasiga ega boʻlgan shifokor amalga oshirishi lozim.

Dakarbazinni qoʻllaganda, sitostatiklarning mutagen, kanserogen va teratogen xususiyatlarini nazarda tutib, boshqa sitostatiklarni qoʻllanilishidagi qoidalarga amal qilish lozim.

Jigar yoki buyrakni funksional buzilish belgilari yoki oʻta yuqori sezuvchanlik reaksiyalarini rivojlanish simptomlari aniqlangan hollarda, preparatni yuborilishi darhol toʻxtatilishi lozim. Jigar ichidagi venalar okklyuziyasi yuz berganida dakarbazinni keyinchalik yuborish mumkin emas.

Davolovchi shifokor davolash vaqtida jigar ichidagi venalar okklyuziyasi oqibatida jigar toʻqimasi nekrozini rivojlanishi bilan bogʻliq kam uchraydigan ogʻir asoratlarni namoyon boʻlishi mumkinligini unutmasligi lozim. Bunday xavfni mavjudligini eʼtiborga olib, jigar faoliyati va oʻlchamlari monitoringini, shuningdek qon formulasi (ayniqsa eozinofillar sonini) tahlilini tez-tez oʻtkazib turish lozim. Bir-bir hollarda jigar ichidagi venalar okklyuziyasi shakllanganiga shubha tugʻilganida glyukokortikosteroidlarning yuqori dozalari bilan (masalan, kuniga 300 mg gidrokortizon bilan) fibrinolitiklar (xususan, geparin yoki plazminogenning toʻqima aktivatori bilan) bilan birga yoki ularsiz erta davolash oʻtkazish samarali boʻlgan.

Uzoq muddatli davolash suyak koʻmigi faoliyatiga boʻlgan toksik taʼsirining kumulyativ samarasiga olib kelishi mumkin.

Suyak koʻmigi faoliyatini susayish ehtimoli leykotsitlar, eritrotsitlar va trombotsitlar darajasini sinchkov monitoringini talab etadi. Gematotoksiklik oqibatidagi gemopoez buzilishlari davolashni vaqtinchalik toʻxtatishni yoki bekor qilishni talab etishi mumkin.

Preparatni vena ichiga yuborish vaqtidagi ekstravazatsiya oʻrab turgan toʻqimalarni shikastlanishiga va kuchli ogʻriqqa olib kelishi mumkin. Ekstravazatsiyaning birinchi belgilari (inyeksiya joyida achishish yoki ogʻriqlik) paydo boʻlganida preparatni yuborishni darhol toʻxtatish lozim. Preparatning qolgan dozasini boshqa venasiga yuborish kerak.

Dakarbazin oʻrtacha darajadagi immunnosupressiv taʼsirga ega.

Kimyoterapiyani oʻtkazish vaqtida gepatotoksik preparatlar va alkogolni qabul qilishdan saqlanish kerak.

Homiladorlikda va emizish davrida qoʻllanishi

Klinikaoldi tadqiqotlarida dakarbazin mutagen, teratogen va kanserogen taʼsirga ega ekanligi, homilaga preparatning teratogen taʼsir xavfi borligi koʻrsatilgan. Preparat homiladorlik va emizish davrida buyurilmasligi kerak.

Tugʻruq yoshidagi ayollar preparat bilan davolanish vaqtida ishonchli kontratsepsiya vositalarini ishlatishlari kerak.

Homiladorlik yuz bergan hollarda ayollar bu haqida oʻz davolovchi shifokoringizga darhol xabar berishlari lozim.

Emizikli bolalarning sogʻligʻiga salbiy taʼsiri boʻlishi mumkinligini nazarda tutib, dakarbazin bilan davolanish vaqtida emizish toʻxtatilishi lozim.

Dakarbazinni bolalarda qoʻllanishi, bu guruh patsiyentlarida preparatni ishlatish boʻyicha yetarli maʼlumotlarni yoʻqligini nazarda tutib, tavsiya qilinmaydi.

Erkaklar va ayollar dakarbazin bilan davolash vaqtida va davolash tugaganidan keyin 6 oy davomida ishonchli kontratsepsiya vositalaridan foydalanishlari kerak.

Avtomobilni boshqarish va mexanizmlarni ishlatish qobiliyatiga taʼsiri

Dakarbazinni qoʻllanishi koʻngil aynishi, qusishni yuz berish xavfini va reaksiya tezligiga taʼsir qiluvchi nevrologik simptomlarni namoyon boʻlishini oshiradi. Transport vositalarini boshqarish va diqqatni yuqori jamlashni va psixomotor reaksiyalarning tezligini talab etuvchi boshqa potensial xavfli faoliyat turlari bilan shugʻullanishdan saqlanish lozim.

Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Preparatning dozasi oshirib yuborilganida asosiy kutiladigan asorat, kechroq preparat qoʻllanganidan keyin 2 hafta davomida namoyon boʻlishi mumkin boʻlgan suyak koʻmigi faoliyatini aplaziyaga qadar ogʻir susayishi hisoblanadi. Leykopeniya va trombotsitopeniya 4 haftadan keyin rivojlanishi mumkin. Dozani oshirib yuborilishiga shubha tugʻilganida gematologik koʻrsatkichlarni uzoq muddat davomida sinchkov kuzatish lozim.

Spetsifik antidot maʼlum emas.

Davolash simptomatik.

 

Chiqarilish shakli

Vena ichiga yuborish uchun eritma tayyorlash uchun liofilizat. 100 mg, yoki 200 mg, yoki     500 mg, yoki 1000 mg dan butil rezina tiqin bilan berkitilgan va qopqoqli alyumin qalpoqcha bilan siqilgan, toʻq-sariq rangli I tur gidrolitik shisha flakonda. 1 flakondan (500 mg yoki 1000 mg flakonlar) yoki 10 flakondan (100 mg yoki 200 mg flakonlar) qoʻllash boʻyicha yoʻriqnomasi bilan birga karton qutiga joylanadi.

 

Saqlash sharoiti

Yorugʻlikdan himoyalangan joyda, 25oS dan yuqori boʻlmagan haroratda saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.