Ilovani yuklab oling
Yuklab olish
Ангиотрен РАСТВОР

Oson Apteka - Dorixonalar ma'lumotnomasi

Ангиотрен РАСТВОР ДЛЯ ИНФУЗИИ 200МЛ №1

38 500 so'mdan
(2889)
Dorixonalardagi narx
Xususiyatlari
Xalqaro nomi
Ishlab chiqaruvchi
РЕКА МЕД ФАРМ
Chiqarilish shakli
Р-Р Д/ИНФ
Farma. Guruh
Средства улучшающие мозговое кровообращение
Dori tafsilotlari
Dori shakli: 
Tarkibi:
Taʼrifi:
Farmakoterapevtik guruhi: 
Farmakologik xususiyatlari
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonadan berish tartibi
Dori shakli: 

infuziya uchun eritma.

 

Tarkibi:

100 ml eritma quyidagilarni saqlaydi:

faol modda: pentoksifillin – 0,05 g;

yordamchi moddalar: natriy xloridi – 0,6 g, kaliy xloridi – 0,04 g, kalsiy xloridi -0,0204 g, natriy laktati – 0,32 g tozalangan suv 100 ml gacha.

 

Taʼrifi:

 rangsiz yoki biroz sargʻish tiniq suyuqlik.

 

Farmakoterapevtik guruhi: 

Periferik qon aylanishi buzilishlarini  davolash uchun vositalar.

 

 

 

Farmakologik xususiyatlari

Angiotren metilksantinning hosilasidir. Angiotrenning taʼsir mexanizmini  fosfodiesterazani susayishi va qon tomirlarining silliq mushak hujayralarida, qon hujayralarida, shuningdek  boshqa toʻqima  va aʼzolarida  sAMF  ni  toʻplanishi  bilan bogʻlaydilar. Angiotren   trombotsitlar  va eritrotsitlarning agregatsiyasini tormozlaydi, ularning egiluvchanligini oshiradi, qon plazmasida fibrinogenning oshgan konsetratsiyasini  kamaytiradi  va fibrinolizni  kuchaytiradi, bu qonning qovushqoqligini  kamaytiradi va uning  reologik  xususiyatlarini  yaxshilaydi. Bundan tashqari, Angiotren kuchsiz  miotrop  qon tomirlarini kengaytiruvchi taʼsirni  chaqiradi, tomirlarning umumiy periferik qarshiligini  biroz kamaytiradi va musbat inotrop taʼsirga ega. Angiotrenni qoʻllash natijasida eng yuqori darajada oyoqlarda, MNTda, oʻrtacha darajada – buyraklarda mikrotsirkulyatsiya va toʻqimalarni kislorod bilan taʼminlanishi yaxshilanadi. Preparat  koronar tomirlarni biroz kengaytiradi.

 

Farmakokinetikasi

Asosiy farmakologik faol metaboliti 1-(5-gidroksigeksil)-3,7-dimetilksantin (metabolit I) kon plazmasida oʻzgarmagan moddaning konsentratsiyasidan 2 marta ortiq konsentratsiyada aniqlanadi va u bilan qaytar biokimeviy muvozanat holatida boʻladi. Shuning uchun Angiotren va uning metabolitini faol bir butun sifatida qaralishi mumkin.

Angiotrenning yarimchikarilish davri 1,6 soatni tashkil qiladi. Angiotren toʻliq metabolizmga uchraydi, 90% dan ortigʻi konʼyugatsiyalanmagan suvda eruvchan qutblangan metabolitlari koʻrinishida buyraklar orqali chiqariladi. Dozaning 4% dan kamrogʻi ahlat bilan chiqariladi. Buyraklar faoliyatining ogʻir buzilishlari boʻlgan bemorlarda metabolitlarining chiqarilishi sekinlashgan. Jigar faoliyatini buzilishi boʻlgan bemorlarda Angiotrenning yarimchiqarilish davrini uzayishi aniqlangan.

 

Qoʻllanilishi

Aterosklerotik ensefalopatiya, ishemik serebral insult; dissirkulyator ensefalopatiya, periferik qon aylanishini ateroskleroz, qandli diabet (shu jumladan diabetik angiopatiya), yalligʻlanish bilan bogʻliq buzilishlari; toʻqimalarda, venalarni shikastlanishi yoki mikrotsirkulyatsiyani buzilishi (posttromboflebitik sindrom, trofik yaralar, gangrena, muzlash) bilan bogʻlik trofik buzilishlar, obliteratsiyalovchi endarteriit, angioneyropatiya (Reyno kasalligi), koʻzlarda qon aylanishini buzilishi (oʻtkir, nim oʻtkir, koʻzning toʻr pardasi va tomirli pardalarida qon aylanishini surunkali yetishmovchiligi); eshitishni pasayishi bilan kechuvchi ichki quloqning faoliyatini tomir genezli buzilishi.

 

Qoʻllash usuli va dozalari

Vena ichiga infuziyalar preparatni parenteral yuborishning eng samarali shaklidir, ular yaxshi oʻzlashtiriladi. Dozalash tartibi shifokor tomonidan belgilanadi va kon aylanishining buzilishlarini ogirlik darajasi, tana vazni va davolashni oʻzlashtirilishiga bogʻlik. Infuziyani, fakat agarda eritma tinik boʻlsagina oʻtkazish mumkin.

Kattalarga quyidagi davolash sxemalari tavsiya qilinadi:

Vena ichiga infuziya 100-600 mg Angiotrenni 100-500 ml Ringer eritmasi, 0,9% natriy xloridi eritmasi yoki 5% glyukoza eritmasida sutkada 1-2 marta oʻtkaziladi. Vena ichiga tomchilab yuboriladigan infuziyaning davomiyligi 60-360 minutni tashkil qiladi, yaʼni 100 mg Angiotrenni yuborilishi kamida 60 minut davom etishi kerak. Infuziya, maksimal sutkalik doza (infuzion va peroral) 1200 mg ni tashkil qilishni hisobga olib, Angiotrenni – (400 mg), peroral qabul qilish bilan toʻldirilishi mumkin.

Patsiyentning ogʻir ahvolida (ayniksa doimiy ogʻriqda, gangrenada yoki trofik yaralarda) preparatning infuziyasini 24 soat davomida oʻtkazish mumkin, bunday yuborish sxemasida dozani 0,6 mg/kg/soat hisobidan belgilanadi. Tana vazni 70 kg boʻlgan bemor uchun bunday yoʻl bilan hisoblangan sutkalik doza 1000 mg ni, tana vazni 80 kg boʻlgan patsiyent uchun 1150 mg ni tashkil qiladi.

Patsiyentning tana vaznidan  qatʼiy nazar maksimal sutkalik doza  1200 mg ni tashkil

kiladi.

Infuzion eritmaning xajmi yoʻldosh kasalliklarni, bemorning holatini xisobga olib shaxsiy ravishda belgilanadi va sutkada oʻrtacha 1-1,5 l ni tashkil kiladi.

  1. Ayrim hollarda preparat 5 ml (100 mg) dan vena ichiga inyeksiya yoʻli bilan qoʻllanadi.
    Inyeksiyani asta-sekin, 5 minut davomida, patsiyent – yotgan xolatida
    bajariladi.

Keksa yoshdagi bemorlar. Keksa yoshdagi patsiyent uchun dozani toʻgʻrilashning zarurati yuk. Parenteral davolash kursining davomiyligi davolash oʻtkazayotgan shifokor tomonidan belgilanadi.

Bemorning holati   yaxshilanganidan  keyin, preparatning tabletka shaklini qoʻllab davolashni davom ettirish tavsiya qilingan.

 

Nojoʻya taʼsirlari

Organizmning ayrim tizimlari boʻyicha nojoʻya reaksiyalarni paydo

boʻlish tez-tezligi kuyidagicha:

Yurak-tomir tizimi tomonidan: kam – taxikardiya; tez-tez emas – periferik shishlar,

yuzni qizarishi yoki qizib ketish qissi (kuyilishlar), juda kam – koʻkrakda odatdagi

boʻlmagan ogʻrik, arterial gipotenziya, hansirash, aritmiya, yurak urishi.

Qon va limfatik tizim tomonidan: yakka holatlar – trombotsitopeniya va trombotsitopenik purpura, leykopeniya, pansitopeniya (u oʻlim bilan yakunlanishi mumkin) protrombin vaqtini uzayishi, gipofibrinogenemiya, anemiya, aplastik anemiya, qon ketishlari (masalan, teri, shilliq qavatlar, meʼda, ichak, burunn qon tomirlaridan).

Nerv tizimi tomonidan: kam – bosh ogʻrigʻi, bosh aylanishi, aseptik meningit (yuqori dozalari qoʻllanganda); yakka holatlarni – qoʻllarni qaltirashi, uyqusizlik, qoʻzgʻalish, xavotirlik, qoʻrquv hissi, xushni yoʻkotish, uyquni buzilishi, gallyutsinatsiyalar, koʻz oldini qorongʻilashishi, qoʻl-oyok,larni uvishishi, gipergidroz, tirishishlar, paresteziyalar.

Syezgi aʼzolari tomonidan: koʻrishni buzilishi, skotoma, koʻz yoshini oqishi, konʼyunktivitlar, quloqlarda ogʻriq, migren, toʻr pardaga qon quyilishi, toʻr pardani koʻchishi.

Meʼda-ichak yoʻllari tomonidan: tez-tez  meʼda-ichak buzilishlari, meʼdada bosim hissi, uni toʻlib ketish hissi , diareya; tez-tez emas – koʻngil aynishi, qusish (shu jumladan bir necha marta), meteorizm, epigastral ogʻriqlar, anoreksiya, ichak atoniyasi, qabziyatlar, tomoqni qurishi, chanqoqlik.

Metabolizm tomonidan: juda kam – gipoglikemiya, gipokaliyemiya.

Immun tizimi tomonidan: yakka hollari – allergik reaksiyalar (shokkacha rivojlanuvchi anafilaktik/anafilaktoid reaksiyalar, angionevrotik shish, bronxospazm, terini kizarishi, kichishish, toshmalar, eshakemi), toksik epidermal nekroliz (Layell sindromi), Stivens-Djonson sindromi.

Gepatobiliar tizim tomonidan: juda kam – jigar ichki xolestazi, jigar fermentlari faolligini oshishi, xoletsistitni zoʻrayishi, xolestatik gepatit.

Teri va teri osti kletchatkasi tomonidan: juda kam – koʻchli terlash, yuz va koʻkrak

kafasining yuqori qismini qizarishi, shishlar, makulopapulyoz toshma, tirnoqlarning

yuqori sinuvchanligi.

Yuborish joyidagi oʻzgarishlar: yuborish joyida ogʻrik, giperemiya, shish, toshma.

Boshqalar: taʼmni buzilishi, soʻlakni kuchli ajralishi, lanjlik, tomokda/boʻyinda ogʻrik, laringit, burunni bitishi, tana vaznini oshishi/kamayishi, etni uvishishi, qizish hissi, isitma, gipertermik sindrom.

Laboratoriya koʻrsatkichlari: jigar transaminazalari (ALT, ACT, LDG) va ishqoriy

fosfatazaning faolligini oshishi.

Nojoʻya  reaksiyalarining  koʻpchiligi  doza bilan  bogʻlik. Ularni,  dozani  kamaytirib,

minimumga yetkazish yoki umuman yoʻl koʻymaslik mumkin.

Agarda ogʻir nojoʻya reaksiyalar koʻzatilsa, davolashni toʻxtatish kerak.

 

Qoʻllash mumkin boʻlmagan holatlar
  • Angiotrenga, preparatning boshqa komponentlariga yoki teofillin, kofein,xolin teofillinati, aminofillin yoki teobromin kabi metilksantin guruhining boshqa preparatlariga yuqori sezuvchanlik;
  • massiv qon ketishlari (qon ketishini kuchayish xavfi);
  • koʻzning toʻr pardasiga, miyaga qon quyilishlar; agarda Angiotren bilan davolanish vaqtida koʻzning toʻr pardasiga, miyaga qon quyilishi yuz bersa, dori vositasini qoʻllashni darhol toʻxtatish kerak;
  • gemorragik diatez;
  • oʻtkir miokard infarkti;
  • jigar yoki buyrak yetishmovchiligi;
  • meʼda yarasi va/yoki ichak yaralari;
  • porfiriya;
  • homiladorlik va emizish davri;
  • bolalik yoshi.

 

Dorilarning oʻzaro taʼsiri

Angiotren va antigipetenziv preparatlarni (xususan, angiotenzinga aylantiruvchi ferment ingibitorlarini) bir vaqtda qoʻllash, oxirgilarning taʼsirini kuchaytiradi, shuning uchun gipotenziv preparatlarning dozasini muvofik toʻgʻrilash talab qilinadi.

Antikoagulyantlar, qon koagulyatsiyasini kamaytiruvchi preparatlar. Angiotren va qon koagulyatsiyasini kamaytiruvchi preparatlarni bir vaqtda qabul qilish qon ketishi ehtimolini oshiradi, shuning uchun protrombin vaqtini tez-tez nazorat qilib turish kerak. Angiotren buyurilganida yoki dozalash oʻzgartirilganida, bu bemorlarda antikoagulyant faollikni nazoratini oʻtkazish tavsiya qilinadi.

Simetidin. Simetidinni bir vaqtda yuborilganda qon zardobida Angiotrenning konsentratsiyasini aqamiyatli oshishi yuz beradi. Angiotrenning dozasini oshirib yuborilishi belgilarini paydo boʻlishini diqqat bilan kuzatish kerak.

N2-retseptorlarining boshqa antagonistlari (famotidin, ranitidin va nizatidin) Angiotrenning metabolizmiga ancha kam taʼsir qiladi.

Teofillin. Angiotren va teofillinni bir vaqtda yuborilishi qon zardobida teofillinning konsentratsiyasini oshishiga olib kelishi mumkin. Shuning uchun kon zardobida teofillinning konsentratsiyasini kuzatib turish, zarurati boʻlganida esa -uning dozasini kamaytirish kerak.

Ketorolak, meloksikam. Angiotren va ketorolakni bir vaqtda qoʻllanishi protrombin vaqtini oshishiga olib kelishi va qon ketish xavfini oshirishi mumkin. Qon ketish xavfi, shuningdek Angiotren va meloksikam bir vaqtda  qoʻllanganida oshishi mumkin. Shuning uchun bu preparatlar bilan bir vaqtda davolanish tavsiya qilinmaydi.

Siprofloksatsin. Siprofloksatsin jigarda Angiotrenning metabolizmini tormozlaydi, shuning uchun Angiotren va siprofloksatsinni bir vaqtda qoʻllash qon zardobida Angiotrenning konsentratsiyasini oshishiga olib kelishi   mumkin. Angiotren va siprofloksatsin bilan bir vaqtda davolash zarurati tugʻilganida Angiotrenning dozasini ikki martaga kamaytirish tavsiya qilinadi.

Insulin va peroral diabetga qarshi preparatlar. Angiotrenning vena ichiga yuboriladigan katta dozalari insulin va peroral diabetga qarshi preparatlarning gipoglikemik samaralarini kuchaytirishi mumkin, shuning uchun insulin yoki gipoglikemik preparatning dozasini muvofiq toʻgʻrilash kerak.

Nitratlar. Angiotren nitratlarning taʼsirini kuchaytiradi.

Eritromitsin. Angiotren va eritromitsinning oʻzaro taʼsiri boʻlishi mumkinligi toʻgʻrisida maʼlumotlar yoʻq. Biroq Angiotren va eritromitsin birga qoʻllanganida eritromitsinning plazmadagi darajasini oshishi zaharli reaksiyalarni namoyon boʻlishi bilan qayd etiladi.

 

Maxsus koʻrsatmalar

Preparatni homiladorlik yoki emizish davrida qoʻllash mumkin emas.

Preparatni bolalarda qoʻllash tajribasi yoʻq.

Anafilaktik/anafilaktoid reaksiyalarning rivojlanishining birinchi belgilarida preparat bilan davolashni toʻxtatish va yordam olish uchun shifokorga murojaat qilish kerak. Preparatni surunkali yurak yetishmovchiligi boʻlgan bemorlarda qoʻllanganida, avval qon aylanishini kompensatsiya bosqichiga erishish kerak. Diabeti boʻlgan va insulin yoki peroral antidiabetik vositalar bilan davolanayotgan bemorlarda, preparatning yuqori dozalari qoʻllanganida, qondagi qandning darajasiga bu preparatlarning taʼsiri kuchayishi mumkin.  Bunday  hollarda  insulinning  yoki  peroral  diabetga qarshi  vositalarning dozasini kamaytirish va ayniqsa bemorni sinchkov kuzatish kerak. Tizimli qizil yugirik (TKYU) yoki biriktiruvchi toʻqimaning boshqa kasalliklari boʻlgan bemorlarga Angiotrenni faqat boʻlishi mumkin boʻlgan xavf va foyda batafsil tahlil qilinganidan keyin buyurish mumkin. Angiotren bilan davolanish vaqtida aplastik anemiyani rivojlanish xavfi mavjudligi tufayli, umumiy qon tahlilini muntazam nazorat qilish kerak.

Buyrak yetishmovchiligi (kreatinin klirensi 30 ml/min dan kam) boʻlgan yoki jigar

faoliyatining ogʻir buzilishlari boʻlgan bemorlarda Angiotrenning chiqarilishi

sekinlashgan boʻlishi mumkin, tegishli monitoring kerak.

Keksa yoshdagi bemorlarda faol moddaning biokiraolishligini oshishi va chiqarilish

tezligini pasayishi tufayli, oʻrtacha terapevtik dozani kamaytirishga zarurat tugʻilishi mumkin. Chekish preparatning terapevtik samaradorligini pasaytirishi mumkin.

Ayniqsa diqqat bilan kuzatish quyidagilar uchun zarur:

  • ogʻir yurak aritmiyalari boʻlgan patsiyentlar;
  • miokard infarkti boʻlgan patsiyentlar;
  • arterial gipotenziyasi boʻlgan patsiyentlar;
  • serebral va koronar arteriyalarining yaqqol aterosklerozi boʻlgan patsiyentlarda, ayniqsa yoʻldosh arterial gipetenziyada va yurak ritmining buzilishlarida. Bunday bemorlarda preparat qabul qilinganida stenokardiya xurujlari, aritmiyalar va arterial gipertenziya yuz berishi mumkin;
  • buyrak yetishmovchiligi (kreatinin klirensi 30 ml/min dan kam) boʻlgan patsiyentlar;
  • ogʻir jigar yetishmovchiligi boʻlgan patsiyentlar;
  • qon ketishlariga, masalan antikoagulyantlar bilan davolanish yoki qon ivishining buzilishlari bilan bogʻliq yuqori moyillikka ega boʻlgan patsiyentlar. Qon ketishlari yuzasidan – “Qoʻllash mumkin boʻlmagan holatlar” boʻlimiga qarang;
  • anamnezida meʼda va oʻn ikki barmoq ichakning yarasi boʻlgan bemorlar, yaqinda operativ davolash oʻtkazgan bemorlar (qon ketishini paydo boʻlishini yuqori xavfi, shu tufayli gemoglobin va gematokrit darajasini muntazam nazorat qilish talab etiladi);
  • arterial bosimni pasayishi yuqori xavf boʻlishi mumkin boʻlgan patsiyentlar (masalan, ogʻir yurak ishemik kasalligi yoki miyaga qonni yetkazib beruvchi tomirlarning stenozi boʻlgan bemorlar);
  • Angiotren va K vitamini antivitaminlari bilan bir vaqtda davolanayotgan bemorlar ;
  • Angiotren va diabetga qarshi vositalar bilan bir vaqtda davolanayotgan bemorlar.

Shuningdek birok markaziy nerv tizimi tomonidan nojoʻya reaksiyalarni paydo boʻlish ehtimolini ham hisobga olish kerak.

Preparatni “Qoʻllash usuli va dozalari” boʻlimida koʻrsatilgan eritmalardan tashqari, bir idishda boshqa dori vositalari bilan aralashtirish mumkin emas.

Preparat bolalar ololmaydigan joyda saqlansin va uni yaroqlilik muddati oʻtganidan keyin ishlatilmasin.

 

Dozani oshirib yuborilishi

Simptomlari: holsizlik, koʻngil aynishi, bosh aylanishi, arterial bosimni pasayishi/oshishi, hushdan ketish holati, taxikardiya, uykuchanlik yoki qoʻzgʻalish, xushni yoʻqotish, gipertermiya, arefleksiya, tonik-klonik tirishishlar, meʼda-ichakdan qon ketishi belgilari (“kofe quyqasi” ga oʻxshash qusish massalari), isitma, qizib ketish hissi (quyilishlar).

Davolash: dozani oshirib yuborilishining birinchi simptomlari (terlash, koʻngil aynishi, sianoz) paydo boʻlganida preparatni qoʻllash darhol toʻxtatiladi, bosh va tananing yuqori qismini pastrok holatini taʼminlash, nafas yoʻllarini erkin oʻtkazuvchanligini nazorat qilish lozim. Simptomatik davolash oʻtkaziladi, maxsus eʼtiborni AB va nafas faoliyatini tutib turishga qaratish lozim. Tirishish sindromini bartaraf etish uchun diazepam yuboriladi.

 

Chiqarilish shakli

0,05% infuziya uchun eritma 100 ml, 200 ml, 250 ml, 400 ml yoki 500 ml dan shisha butilkalarda.

 

Saqlash sharoiti

25°S yuqori boʻlmagan haroratda saqlansin.

Muzlatilmasin.

 

 

Yaroqlilik muddati

2 yil.

 

 

 

Dorixonadan berish tartibi

Retsept boʻyicha.