Ilovani yuklab oling
Yuklab olish
АМОКСИЦИЛЛИН СУСПЕНЗИЯ

Oson Apteka - Dorixonalar ma'lumotnomasi

АМОКСИЦИЛЛИН СУСПЕНЗИЯ 125МГ/5МЛ 100МЛ №1

5 000 so'mdan
(1818)
Dorixonalardagi narx
Xaritada topish
Xususiyatlari
Xalqaro nomi
AMOXICILLIN
Ishlab chiqaruvchi
НОВОФАРМА
Chiqarilish shakli
СУСП
Farma. Guruh
Pharm Group Name
Dori tafsilotlari
Dorilarning oʻzaro taʼsiri
Dori shakli: 
Tarkibi:
Taʼrifi: 
Farmakoterapevtik guruhi:
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorixonalardan berish tartibi
Dorilarning oʻzaro taʼsiri

Probenitsid, fenilbutazon, oksifenbutazon, kamroq darajada – atsetilsalitsil kislotasi va sulfinpirazon, penitsillin qatori preparatlarining naychalar sekretsiyasini tormozlaydi, bu amoksitsillinning yarim chiqarilish davrini va qon plazmasidagi konsentratsiyasini oshishiga olib keladi. Bakteritsid antibiotiklar (shu jumladan aminoglikozidlar, sefalosporinlar, vankomitsin, rifampitsin) bir vaqtda qabul qilinganida sinergik taʼsir koʻrsatadi; ayrim bakteriostatik preparatlar (masalan, xloramfenikol, sulfanilamidlar) bilan birga qabul qilinganida antagonizm boʻlishi mumkin. Estrogen saqlovchi kontratseptivlar bilan birga qabul qilish, ularning samaradorligini pasayishiga va qon ketishlarni “shiddatli” qon ketishlari rivojlanishi xavfini oshishiga olib kelishi mumkin. Allopurinol bilan bir vaqtda buyurish, allopurinolni ampitsillin bilan birga qoʻllashdan farqli ravishda teri reaksiyalarini tez-tezligini oshirmaydi.

 

Dori shakli: 

suspenziya tayyorlash uchun kukun.

 

Tarkibi:

5 ml suspenziya quyidagilarni saqlaydi:

faol modda: 125 mg yoki 250 mg amoksitsillin trigidrati (amoksitsillinga hisoblanganda).

yordamchi moddalar: qand-rafinad, tozalangan natriy karboksimetilsellyulozasi, aromatizatsiya qilingan oziqa essensiya.

 

Taʼrifi: 

oq yoki deyarli oq rangli sargʻimtir tusli shirin taʼmli, muvofiq aromatizator hidli  kukun.

 

Farmakoterapevtik guruhi:

 Antibiotiklar (penitsillinlar guruhi).

 

 

Maxsus koʻrsatmalar

Anamnezda eritrodermiyani boʻlishi amoksitsillinni qoʻllashga qarshi koʻrsatma hisoblanmaydi.

Penitsillin qatori preparatlari va sefalosporinlar bilan kesishgan chidamlilik yoki oʻta yuqori sezuvchanlik boʻlishi mumkin.

Boshqa penitsillin qatori preparatlarini qoʻllaganda boʻlgani kabi, superinfeksiya rivojlanishi mumkin.

Soxtamembranoz kolitga xos boʻlgan ogʻir diareyani paydo boʻlishi, preparatni bekor qilish uchun koʻrsatmadir.

Infeksion mononukleoz va limfoleykozi boʻlgan bemorlarga preparatni ehtiyotkorlik bilan buyurish lozim, chunki noallergik genezga ega ekzantemani paydo boʻlish ehtimoli yuqoridir.

Homiladorlik va laktatsiya davrida preparatni, agarda preparatni qoʻllashdan kutilayotgan ijobiy natija, nojoʻya taʼsirlarining rivojlanish xavfidan yuqori boʻlgandagina buyurish mumkin. Amoksitsillin oz miqdorda koʻkrak suti bilan chiqariladi, bu bolada sensibilizatsiya koʻrinishlarini rivojlanishiga olib kelishi mumkin.

Preparat bolalar ololmaydigan joyda saqlansin va yaroqlilik muddati oʻtganidan keyin ishlatilmasin.

 

Dozani oshirib yuborilishi

Simptomlari: meʼda-ichak yoʻllari faoliyatini buzilishi – koʻngil aynishi, qusish, diareya; diareyaning oqibatida suv-elektrolit balansi buzilishi mumkin.

Davolash: meʼdani yuvish, faollashtirilgan koʻmir, tuzli surgi vositalari buyuriladi; suv-elektrolit balansini tiklash uchun choralar koʻriladi.

 

Chiqarilish shakli

Suspenziya tayyorlash uchun kukun 125 mg/5 ml yoki 240 mg/5 ml li. 24 g dan plastmassa flakonlarda dozalovchi qoshiqchasi bilan.

 

Saqlash sharoiti

Quruq, yorugʻlikdan himoyalangan joyda, 25ºS dan yuqori boʻlmagan haroratda saqlansin.

 

 

Yaroqlilik muddati

2 yil.

Tayyorlangan suspenziya sovutgichda 10ºS haroratda 7 kun saqlanadi.

 

 

Farmakologik xususiyatlari

Amoksitsillin – yarimsintetik penitsillinlar guruhiga mansub keng taʼsir doirasiga ega, kislotaga chidamli bakteritsid antibiotikdir. Streptococcus pyogenes, Streptococcus pneumoniae, Clostridium tetani, Clostridium welchii, Neisseria gonorrhoeae, Neisseria meningitidis, Streptococcus aureus (beta-laktamazalarni ishlab chiqarmaydiganlari), Bacillius anthracis, Listeria monocytogenes, Helicobacter pylori kabi grammusbat va grammanfiy mikroorganizmlarga nisbatan faol. Enterococcus faecalis, Escherichia coli, Proteus mirablis, Salmonella typhi, Shigella sonnei, Vibrio cholerae larga nisbatan kamroq faol.

Beta-laktamazalarni ishlab chiqaruvchi mikroorganizmlar, Pseudomonas spp., indol-musbat Proteus spp., Serratia spp., Enterobacter spp. larga nisbatan faol emas.

Metronidazol bilan majmuada Helicobacter pylori ga nisbatan faollikni namoyon etadi.

 

Farmakokinetikasi

Ichga qabul qilinganidan keyin amoksitsillin tez va deyarli toʻliq (taxminan 93%) soʻriladi, kislotaga chidamli. Ovqat qabul qilish preparatning soʻrilishiga deyarli taʼsir qilmaydi. Faol moddaning plazmadagi maksimal konsentratsiyasi 1-2 soatdan keyin kuzatiladi. 500 mg amoksitsillin ichga qabul qilinganidan keyin, faol moddaning 5 mkg/ml ni tashkil qiluvchi maksimal konsentratsiyasi qon plazmasida 2 soatdan keyin aniqlanadi. Preparatning dozasi 2 marta oshirilganda yoki kamaytirilganda qon plazmasidagi maksimal konsentratsiyasi ham 2 marta oʻzgaradi.

Amoksitsillinning taxminan 20% plazma oqsillari bilan bogʻlanadi. Amoksitsillin shilliq qavatlarga, suyak toʻqimasiga, koʻz ichki suyuqligiga va balgʻamga terapevtik jihatdan samarali konsentratsiyalarda oʻtadi. Amoksitsillinning safrodagi konsentratsiyasi uning plazmadagi konsentratsiyasidan 2-4 marta ortiq. Amniotik suyuqlikda va kindik qon tomirlaridagi amoksitsillinning konsentratsiyasi homilador ayolning qon plazmasidagi darajasining 25-30% ni tashkil qiladi. Amoksitsillin gematoensefalik toʻsiqdan yomon oʻtadi; biroq bosh miya qobiqlarini yalligʻlanishida orqa miya suyuqligidagi konsentratsiyasi qon plazmasidagi konsentratsiyasining taxminan 20% ni tashkil qiladi.

Amoksitsillin jigarda qisman metabolizmga uchraydi, uning koʻpchilik metabolitlari mikrobiologik faollikka ega emas.

Amoksitsillinning ichga qabul qilingan dozasini taxminan 60% oʻzgarmagan holda buyraklar orqali (taxminan 80% naychalar ekskretsiyasi yoʻli bilan, 20% esa – kalava filtratsiyasi yordamida) chiqariladi. Buyraklar faoliyatini buzilishi boʻlmaganida amoksitsillinning yarim chiqarilish davri 1-1,5 soatni tashkil qiladi. Chala tugʻilgan, yangi tugʻilgan chaqaloqlarda va 6 oylikdan kichik bolalarda – 3-4 soatni tashkil qiladi.

Alohida klinik hollardagi farmakokinetikasi.

Jigar faoliyatini buzilishlarida amoksitsillinning yarim chiqarilish davri oʻzgarmaydi.

Buyraklar faoliyatini buzilishida (kreatinin klirensi ≤15 ml/min) amoksitsillinning yarim chiqarilish davri oshishi mumkin va anuriyada 8,5 soatga yetadi.

 

Qoʻllanilishi

Preparatga sezgir mikroorganizmlar chaqirgan quyidagi infeksion-yalligʻlanish kasalliklari:

  • nafas aʼzolarining infeksiyalari;
  • siydik-jinsiy tizimi aʼzolarining infeksiyalari;
  • meʼda-ichak yoʻllari (MIY) aʼzolarining infeksiyalari;
  • teri va yumshoq toʻqimalarning infeksiyalarida;
  • meningit;
  • endokardit (oldini olish);
  • gonoreya;
  • borreleoz;
  • listeriozda qoʻllanadi.

Metronidazol bilan birga – zoʻrayish bosqichidagi surunkali gastrit, zoʻrayish bosqichidagi meʼda va 12 barmoq ichak yara kasalligida qoʻllanadi.

 

Qoʻllash usuli va dozalari

Amoksitsillinning kukunidan suspenziya tayyorlanadi. Buning uchun flakondagi kukun avval silkitiladi, soʻngra qaynatilgan, xona haroratigacha sovutilgan ichimlik suvi “100 ml” belgigacha qoʻshiladi va jadal chayqatiladi. Shundan soʻng hosil boʻlgan koʻpik choʻkmaga tushgunicha qoʻshimcha suspenziya hajmini 100 ml gacha yetkazish va yaxshilab chayqatish kerak. Suspenziya qoʻllanishga tayyor.

Har qoʻllashdan oldin flakon jadal chayqatiladi va koʻpik choʻkmaga tushgunicha qoldiriladi.

Dozalash tartibi mikroorganizmlarning sezgirligi va infeksion jarayonni joylashuviga qarab, shaxsiy ravishda belgilanadi.

Ichga buyuriladi. Kattalarga oʻrtacha sutkada 1,5-2 g dan buyuriladi. Zarurati boʻlganida preparatning dozasi sutkada 3 g gacha oshirilishi mumkin.

Kattalarga meʼda-ichak yoʻllarining (paratiflar, qorin tifi) va safro yoʻllarining oʻtkir infeksion kasalliklarida, shuningdek ginekologik infeksion kasalliklarda 1,5-2 g dan sutkada 3 marta yoki 1-1,5 g dan sutkada 4 marta buyuriladi.

Kattalarga leptospirozda 500-750 mg dan sutkada 4 marta 6-12 kun davomida buyuriladi.

Salmonella tashuvchanlikda kattalarga 1,5-2 g dan sutkada 3 marta 2-4 hafta davomida buyuriladi.

Kichik jarrohlik aralashuvlarida, endokarditni oldini olish uchun kattalarga muolajani oʻtkazishdan 1 soat oldin 3-4 g dan yuboriladi. Zarurati boʻlganida takroriy doza 8-9 soatdan keyin buyuriladi.

Oʻtkir asoratlanmagan gonoreyada erkaklarda 3 g preparat 1 marta qabul qilish uchun 1 g probenitsid bilan birga buyuriladi. Ayollarda gonoreyani davolashda koʻrsatilgan dozani takroralash tavsiya qilinadi.

Helicobacter pylori bilan assotsiyatsiyalangan infeksiyalarni – zoʻrayish bosqichidagi surunkali gastrit, zoʻrayish bosqichidagi meʼda va 12 barmoq ichak yara kasalligini davolashda 10 kun davomida metronidazol bilan birga 500 mg dan kuniga 3 marta buyuriladi.

Bolalarda preparatning dozasini ikki martaga kamaytirish kerak. Davolashni kasallik simptomlari yoʻqolganidan keyin yana 2-5 kun davomida davom ettirish lozim. Streptokokkli infeksiyalarining asoratlarini oldini olish uchun kamida 10 kun davolash lozim.

Buyraklar faoliyatini buzilishlari boʻlgan bemorlarda kreatinin klirensi (KK) minutiga 30 ml dan kam boʻlganida preparatning dozasi kamaytiriladi va/yoki qabul qilish orasidagi interval oshiriladi. KK minutiga 15-40 ml boʻlganida preparatni qabul qilish orasidagi interval kamida 12 soatni tashkil qilish kerak.

Siydik-jinsiy yoʻllarining kasalliklarida dozaga tuzatish talab qilinmaydi.

Bolalarga preparat sutkada 30-60 mg/kg doza hisobidan buyuriladi. Qabul qilishlar soni sutkada 2 marta.

Yoshi

Sutkalik doza

1 yosh

250 mg

1-6 yosh

500 mg

6-10 yosh

750 mg

10-14 yosh

1 g

14-18 yosh

1,5 g

Infeksion kasallikni ogʻir kechishida bolalar uchun dozani sutkada 100 mg/kg gacha oshirish mumkin. Preparat chala tugʻilgan va yangi tugʻilgan chaqaloqlarga buyurilganda, preparatning dozasi kamaytiriladi va/yoki qabul qilish orasidagi interval oshiriladi.

 

Nojoʻya taʼsirlari

Meʼda-ichak yoʻllari tomonidan: kam hollarda – taʼmni oʻzgarishi, koʻngil aynishi, qoʻsish, diareya; alohida hollarda – “jigar” transaminazalari faolligini oʻrtacha oshishi, kamdan-kam hollarda – soxtamembranoz va gemorragik kolitlar.

Siydik-chiqarish tizimi tomonidan: kamdan-kam hollarda – interstitsial nefritni rivojlanishi.

Qon-yaratish tizimi tomonidan: kam hollarda – agranulotsitoz, neytropeniya, trombotsitopeniya, gemolitik anemiya boʻlishi mumkin, ammo ular ham kamdan-kam hollarda kuzatiladi.

Allergik reaksiyalar: teri reaksiyalari, asosan spetsifik makulopapulez toshmalar koʻrinishida; kam hollarda – koʻp shaklli ekssudativ eritema (Stivens-Djonson sindromi); alohida hollarda – anafilaktik shok, angionevrotik shish kuzatiladi.

 

Qoʻllash mumkin boʻlmagan holatlar

Ksenobiotiklarga polivalent oʻta yuqori sezuvchanlik, preparatga va boshqa beta-laktam antibiotiklariga, sefalosporinlarga; infeksion mononukleoz, limfoleykoz, bronxial astma, pichan isitmasi, allergik diatez, anamnezdagi meʼda-ichak yoʻllari kasalliklari (ayniqsa antibiotiklarni qoʻllanilishi bilan bogʻliq kolit), buyrak yetishmovchiligi, homiladorlik, laktatsiya davrida qoʻllash mumkin emas.

Metronidazol bilan birga qoʻllanganda – nerv tizimi kasalliklari, nitroimidazol hosilalariga yuqori sezuvchanlikda qoʻllash mumkin emas.

 

Dorixonalardan berish tartibi

Retsept boʻyicha.