Ilovani yuklab oling
Yuklab olish
Амброксол-Синофарм АМПУЛЫ

Oson Apteka - Dorixonalar ma'lumotnomasi

Амброксол-Синофарм АМПУЛЫ 2мл №5

3 300 so'mdan
(4835)
Dorixonalardagi narx
Xususiyatlari
Xalqaro nomi
Ambroxol
Ishlab chiqaruvchi
CHINA NATIONAL
Chiqarilish shakli
АМП
Farma. Guruh
Отхаркивающие препараты, комбинации
Dori tafsilotlari
Tarkibi:
Taʼrifi:
Farmakoterapevtik guruhi:
Dori shakli: 
Farmakologik xususiyatlari
Farmakokinetikasi
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Tarkibi:

1 ampula quyidagilarni saqlaydi:

faol modda: ambroksol gidroxloridi 15,0 mg.

yordamchi moddalar: limon kislotasining gidrati – 2,0 mg; ikki asosli fosfat natriy digidrati – 3,6 mg; natriy xloridi – 14,4 mg; inyeksiya uchun suv – q.s. 2 ml gacha.

 

Taʼrifi:

 tiniq, rangsiz eritma.

 

Farmakoterapevtik guruhi:

 Balgʻam koʻchiruvchi vosita.

 

 

Dori shakli: 

inyeksiya uchun eritma

 

Farmakologik xususiyatlari

Ambroksol preparatining taʼsir etuvchi moddasi – nafas yoʻllarining bezlarining sekretsiyasini oshiruvchi ambroksol gidroxloridi hisoblanadi. Ambroksol oʻpka surfaktantini ishlab chiqarilishini kuchaytiradi va siliar faollikni ragʻbatlantiradi, buning natijasida shilliqni ajralishi va uni chiqarilishi (mukotsiliar klirens) osonlashadi. Mukotsiliar klirensni yaxshilanishi klinik-farmakologik tadqiqotlari vaqtida isbotlangan. Suyuqlik sekretsiyasini faollashuvi va mukotsiliar klirensni oshishi shilliqni chiqarilishini osonlashtiradi va yoʻtalni kamaytiradi. Ambroksol gidroxloridining mahalliy ogʻriqsizlantiruvchi samarasi quyon koʻzi modelida kuzatilgan boʻlib, uni natriy kanallarni bloklash xususiyati orqali tushuntirish mumkin. In vitro sharoitida tadqiqotlar ambroksol gidroxloridi neyronlardagi natriy kanallarini bloklashini koʻrsatgan; bloklovchi bogʻlanish qaytuvchan va konsentratsiyaga bogʻliq boʻlgan. In vitro sharoitida tadqiqotlarida ambroksol gidroxloridini qondan sitokinlarni ajralishini va mononuklear va polimorf nuklear hujayralarni toʻqimalar bilan bogʻlanishini ahamiyatli darajada kamaytirishi aniqlangan. Faringit bilan xastalangan patsiyentlarni jalb qilish bilan oʻtkazilgan klinik sinovlar natijasida ambroksolni qoʻllanganda tomoqdagi ogʻriq va qizarishni sezilarli darajada kamayishi isbotlagan. Ogʻriqni tez kamayishiga olib keluvchi va burun boʻshligʻi, quloq sohasi va nafas olishda traxeyadagi diskomfort ogʻrigʻi bilan bogʻliq bu farmakologik xususiyatlarning yuqori nafas yoʻllarini kasalliklarini davolashda ambroksolning samaradorligini oʻrganish boʻyicha olib borilgan klinik tadqiqotlardagi simptomlarni yordamchi kuzatilishda olingan maʼlumotlarga mos keladi. Ambroksol gidroxloridni qoʻllangandan keyin bronx-oʻpka shirasida va balgʻamda antibiotiklarning (amoksitsillin, sefuroksim, eritromitsin) konsentratsiyalari oshadi.

 

Farmakokinetikasi

Ambroksol parenteral yuborilganda toʻqimalarga tez oʻtadi. Yuqori konsentratsiyasi oʻpkada aniqlanadi. Ambroksol gidroxloridining terapevtik diapazonini yetarli darajada kengligi tufayli dozani tuzatishning keragi yoʻq. Patsiyent yoshi va jinsi ambroksol gidroxloridining farmakokinetikasiga klinik ahamiyatli taʼsir koʻrsatmaydi, shuning uchun dozaga tuzatish kiritish talab qilinmaydi. Ambroksol orqa miya suyuqligiga va yoʻldosh toʻsigʻi orqali oʻtadi, shuningdek koʻkrak sutiga oʻtadi. Metabolitlar koʻrinishida buyrak orqali va qisman oʻzgarmagan ambroksol koʻrinishida chiqariladi.

 

Qoʻllanilishi

Bronxial sekretsiyani buzilishlari va shilliqni siljishini susayishi bilan bogʻliq oʻtkir va surunkali bronxopulmonal kasalliklarda simptomatik davolash uchun qoʻllanadi.

 

Qoʻllash usuli va dozalari

Inyeksiya uchun ambroksol eritmasi mushak ichiga, teri ostiga yoki vena ichiga (sekin oqimli yoki tomchilab) yuboriladi. Erituvchi sifatida 0,9% li natriy xlorid eritmasi,     5% li glyukoza, Ringer-Lokk eritmasi yoki boshqa pH 6,3 dan yuqori boʻlmagan asosli eritma qoʻllash mumkin.

Kattalarga odatda 2 ml dan sutkada 2-3 marta buyuriladi, ogʻir hollarda dozani ikki barobar oshirish mumkin.

Bolalarga preparatni sutkasiga 1 kg tana vazniga 1,2-1,6 mg doza hisobida buyuriladi.

Odatda 2 yoshgacha bolalarga 1 ml dan sutkada 2 marta (1/2 ampula) buyuriladi.

2 dan 5 yoshgacha – 1 ml dan (1/2 ampula) 3 marta;

5 yoshdan kattalarga – 2 ml dan (1 ampula) 2-3 marta buyuriladi.

Respirator distress-sindromda yangi tugʻilgan va vaqtidan oldin tugʻilgan bolalarga: Ambroksol preparatining sutkalik dozasi 10 mg/kg gacha oshiriladi (ogʻir holatlarda – 20 mg/kg gacha, 3-4 yuborishga boʻlib taqsimlanadi).

Kasallikni oʻtkir koʻrinishi yoʻqolgandan keyin inyeksiya bekor qilinadi va Ambroksol preparatini boshqa dori shakllari ichga qabul qilishga yoki rektal qoʻllashga oʻtilishi mumkin. Davolash davomiyligi kasallikni kechuvini oʻziga xos xususiyatiga bogʻliq. Ambroksolni shifokor tavsiyasisiz 4-5 kundan koʻp qoʻllash mumkin emas.

 

Nojoʻya taʼsirlari

Immun tizimi va teri tomonidan: anafilaktik reaksiyalar, shu jumladan anafilaktik shok, angionevrotik shish, teri toshmasi, eshakemi, qichishish va boshqa allergik reaksiyalar.

Ovqat hazm qilish tizimi tomonidan: jigʻildon qaynashi, soʻlak oqishi, qabziyat, koʻngil aynishi, qusish, diareya,  dispepsiya, qorinda ogʻriq.

Siydik-chiqarish tizimi tomonidan: dizuriya.

Umumiy buzilishlar: shilliq qavati tomonidan oʻta yuqori sezuvchanlik reaksiyalari, hansirash, isitma, rinoreya, nafas yoʻllarini qurishi.

Terini ogʻir shikastlanishlari: ambroksol kabi mukolitik vositalarni qoʻllanishi bilan bogʻliq Stivens-Djonson sindromi, Layell sindromi toʻgʻrisida juda kam xabar qilingan. Asosan ularni asosiy kasallikni ogʻir kechishi yoki bir vaqtda boshqa preparatni qoʻlash bilan tushuntirish mumkin.

Har qanday nojoʻya reaksiyalar paydo boʻlganida darhol tibbiy yordamga murojaat qilish va ambroksol bilan davolashni toʻxtatish lozim.

 

Qoʻllash mumkin boʻlmagan holatlar

Ambroksol gidroxloridiga va preparatning boshqa komponentlariga yuqori sezuvchanlik. Kam uchraydigan nasliy holatlarda preparatning yordamchi moddalariga nomutanosiblik boʻlishi mumkinligi tufayli, preparatni qoʻllash mumkin emas.

 

 

Dorilarning oʻzaro taʼsiri

Boshqa dori preparatlar bilan klinik nojoʻya oʻzaro taʼsirlari toʻgʻrisida xabarlar yoʻq. Ambroksol gidroxloridni qoʻllangandan keyin bronx-oʻpka shirasida va balgʻamda antibiotiklarni (amoksitsillin, sefuroksim, eritromitsin) konsentratsiyalari oshadi. Ambroksol va yoʻtalni susaytiradigan vositalarni bir vaqtda qoʻllash yoʻtal refleksini bostirishi oqibatida shilliqni haddan ziyod toʻplanishiga olib kelishi mumkin. Shuning uchun bunday majmuani faqat shifokor kutiladigan foyda va qoʻllashdan boʻlgan xavf nisbatini sinchkov baholagandan keyin qoʻllash mumkin.

 

Maxsus koʻrsatmalar

Terini ogʻir shikastlanishlari: ambroksol gidroxloridi kabi balgʻam koʻchiruvchi vositalarni qoʻllanishi bilan bogʻliq Stivens-Djonson sindromi va toksik epidermal nekroliz (Layell sindromi) boʻyicha hammasi boʻlib bir qancha xabarlar tushgan: asosan ularni patsiyentlarda asosiy kasallikni ogʻir kechishi va/yoki bir vaqtda boshqa preparatni qoʻllanishi bilan tushuntirish mumkin. Shuningdek Stivens-Djonson sindromini yoki Layell sindromini boshlangʻich bosqichida patsiyentlarda isitma, zirqirash, rinit, yoʻtal va tomoqda ogʻriq kabi grippning boshlanish belgilariga xos nospetsifik simptomlar boʻlishi mumkin. Grippni boshlanish belgilariga xos boʻlgan, bunday nospetsifik simptomlarda yoʻtal va shamollashga qarshi simptomatik davolashni qoʻllash xato hisoblanadi. Shuning uchun teri va shilliq qavatini yangi shikastlanishlari paydo boʻlganida darhol tibbiy yordam uchun murojat qilish va ambroksol gidroxlorid bilan davolashni toʻxtatish kerak. Buyrak faoliyatini buzilishlari boʻlgan patsiyentlar ambroksol gidroxloridini faqat shifokorning maslahatidan keyin qabul qilishlari mumkin. Ambroksol shilliqni ajralishini sekretsiyasini kuchaytirishi mumkinligi tufayli, preparatni bronxial motorikani buzilishida va shilliq sekretsiyasini kuchayishida (masalan, birlamchi siliar diskineziya kabi kam uchraydigan kasalliklarda) ehtiyotkorlik bilan qabul qilish lozim. Buyrak faoliyatini buzilishlari yoki jigarning ogʻir kasalliklari boʻlgan patsiyentlarda preparatni ehtiyotkorlik bilan qoʻllash lozim (xususan qoʻllashlar oʻrtasidagi intervalni uzaytirish yoki dozani kamaytirish lozim). Jigarda hosil boʻladigan metabolitlarni toʻplanib qolishi, ogʻir buyrak yetishmovchiligi boʻlgan patsiyentlarda kuzatiladi.

Homiladorlik va laktatsiya davrida qoʻllanishi.

Ambroksol gidroxloridi yoʻldosh toʻsigʻi orqali oʻtadi. Hayvonlarda oʻtkazilgan tadqiqotlar preparatni homiladorlikni kechishiga, embrion/homilani rivojlanishiga, tugʻruqqa yoki tugʻruqdan keyingi rivojlanishga bevosita yoki bilvosita taʼsirlarini aniqlamagan.

Ambroksol gidroxloridining klinik tadqiqoti natijasida preparatni homiladorlikning 28-haftasidan keyin qoʻllanganda homilaga biron-bir zararli taʼsiri borligi aniqlanmagan. Shunga qaramay, homiladorlik vaqtida dorilarni qabul qilish boʻyicha odatiy choralarga rioya qilish kerak. Ayniqsa homiladorlikni I uch oyligida Ambroksolni qoʻllash tavsiya qilinmaydi.

Ambroksol gidroxloridi koʻkrak sutiga kiradi, shuning uchun uni emizish vaqtida qoʻllash tavsiya qilinmaydi.

Bolalar.

Bolalarga 12 yoshdan boshlab qoʻllanadi.12 yoshgacha boʻlgan bolalarga ambroksolni boshqa dori shaklida qoʻllash tavsiya qilinadi.

Avtomobilni va murakkab mexanizmlarni boshqarish qobiliyatiga taʼsiri. Avtotransportni boshqarishda yoki boshqa mexanizmlar bilan ishlashda reaksiya tezligiga taʼsir qilishi toʻgʻrisida maʼlumotlar yoʻq.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Bugungi kunda odamlarda dozani oshirib yuborilishi hollari toʻgʻrisida xabarlar yoʻq. Dori dozasini oshirib yuborilishidagi va/yoki xato qoʻllangandagi simptomlar toʻgʻrisidagi maʼlum boʻlgan yakka xabarlardan ambroksolni tavsiya qilingan dozalardagi nojoʻya taʼsirlariga javob beradi va simpotamitik davolashni talab qiladi.

 

Chiqarilish shakli

Birlamchi oʻrami: preparat 2 ml dan shisha ampulada.

Ikkilamchi oʻrami: PVX plenka oʻramli blisterda 10 ampuladan qoʻllash boʻyicha yoʻriqnomasi bilan karton qutiga joylangan.

 

Saqlash sharoiti

Yorugʻlikdan himoyalangan joyda, xona haroratida (1-30ºS) saqlansin.

 

Yaroqlilik muddati

3 yil.

 

Dorixonalardan berish tartibi

Retsept boʻyicha.