Ilovani yuklab oling
Yuklab olish
АМБРОКСОЛ ТАБЛЕТКА

Oson Apteka - Dorixonalar ma'lumotnomasi

АМБРОКСОЛ ТАБЛЕТКА 30МГ №10

1 400 so'mdan
(3050)
Dorixonalardagi narx
Xaritada topish
Xususiyatlari
Xalqaro nomi
AMBROXOL
Ishlab chiqaruvchi
ДЕНТАФИЛ
Chiqarilish shakli
ТАБ
Farma. Guruh
Pharm Group Name
Dori tafsilotlari
Saqlash sharoiti
Dorixonalarda berish tartibi
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Saqlash sharoiti

Quruq, yorugʻlikdan himoyalangan joyda, 25°S dan yuqori boʻlmagan haroratda.

3 yil

 

 

Dorixonalarda berish tartibi

Retseptsiz

Dori shakli: 

tabletkalar

 

Tarkibi:

bir tabletka quyidagilarni saqlaydi:

faol modda: 30 mg ambroksol gidroxloridi;

yordamchi moddalar: laktoza, makkajoʻxori kraxmali, mikrokristall sellyuloza, polivinilpirrolidon, mangiy stearati, aerosil.

 

Taʼrifi: 

oq rangli yoki deyarli oq rangli, yassitsilindrik shaklli, faskali tabletkalar.

 

Farmakoterapevtik guruhi: 

balgʻam koʻchiruvchi vositalar.

 

 

Farmakologik xususiyatlari

Yaqqol balgʻam koʻchiruvchi taʼsirga ega boʻlgan mukolitik preparat. Preparat bronxlar shilliq qavatining seroz hujayralarini ragʻbatlantirishi hisobiga  balgʻamni suyultiradi. Balgʻamning seroz va shilliq komponentlarining nisbatini normallashtirib, balgʻamning mukopolisaxaridlari orasidagi bogʻlarni parchalaydigan fermentlarni hosil boʻlishi va ishlab chiqarilishini, shuningdek surfaktantni hosil boʻlishini ragʻbatlantiradi. Surfaktantni ishlab chiqarilishini oshishi tufayli preparat yalligʻlanishga qarshi taʼsir koʻrsatadi, antioksidant xususiyatlarga ega va mahalliy immunitetni oshiradi.

Farmakokinetikasi

Ichga qabul qilingan preparat meʼda-ichak yoʻllaridan toʻliq soʻriladi. Qon plazmasidagi maksimal konsentratsiyasiga (Smax) 2 soatdan keyin erishiladi.

Biokiraolishligi 70-80% ni tashkil qiladi. Preparatning toʻplanishi aniqlanmagan.

Plazma oqsillari bilan bogʻlanishi – taxminan 90%. Toʻqimalarga tez kiradi va eng yuqori konsentratsiyasi oʻpkada aniqlanadi. Gematoensefalik toʻsiq (GET) va yoʻldosh toʻsigʻi orqali oʻtadi va koʻkrak suti bilan chiqariladi.

Preparat jigarda jadal metabolizmga uchraydi. Yarim chiqarilish davri (T1/2) 1,3 soatni tashkil qiladi. Asosan siydik bilan chiqariladi.

 

Qoʻllanilishi

Nafas yoʻllarining qovushqoq balgʻamni ajralib chiqishi bilan kechuvchi oʻtkir va surunkali kasalliklarni (oʻtkir va surunkali bronxit, obstruktiv bronxit, pnevmoniya, balgʻamni ajralib chiqishi buzilgan bronxial astma, bronxoektatik kasallik, shuningdek burun-tomoq boʻshligʻining yalligʻlanishida shilliqni suyulishini yaxshilash uchun) mukolitik davolashda qoʻllanadi.

 

 

Qoʻllash usuli va dozalari

Tabletkalar ichga, ovqatdan keyin, butunligicha, katta miqdordagi suyuqlik bilan qabul qilinadi. Kattalar va 12 yoshdan katta bolalarga birinchi 2-3 kun davomida 30 mg dan sutkada 2-3 marta buyuriladi, soʻngra 30 mg dan sutkada 2 marta yoki 15 mg dan sutkada 3 marta buyuriladi. 5 yoshdan 12 yoshgacha boʻlgan bolalarga 15 mg dan sutkada 2-3 marta buyuriladi. Qoʻllashning davomiyligi koʻrsatmalarga va kasallikni kechishiga bogʻliq va u individual ravishda belgilanadi.

 

 

Nojoʻya taʼsirlari

Kam hollarda –  holsizlik, bosh ogʻrigʻi, koʻngil aynishi, qorinda ogʻriq, qusish, diareya, ogʻiz yoki yuqori-nafas yoʻllarining quruqligi, sialoreya, tumov, qabziyat va siyishni qiyinlashishi, shuningdek teri va shilliq qavatlarda toshmalar, yuzni shishishi, hansirash, haroratni koʻtarilishi, et uvishishi va (juda kam hollarda) anafilaktik shok kabi oʻta yuqori sezuvchanlik reaksiyalari rivojlanishi mumkin. Buyrak yetishmovchiligida ambroksolning metabolitlarini jigarda toʻplanish ehtimolini eʼtiborga olish kerak.

 

Qoʻllash mumkin boʻlmagan holatlar

Ambroksolga va preparatning boshqa komponentlariga yuqori sezuvchanlik, homiladorlik      (I uch oyligi) va laktatsiya davri, meʼda va oʻn ikki barmoq ichak yara kasalligi, yoʻtalga qarshi preparatlar bilan bir vaqtda qoʻllash mumkin emas.

 

 

Dorilarning oʻzaro taʼsiri

Preparat va antibakterial vositalarni (amoksitsillin, sefuroksim, doksitsiklin, eritromitsin) bir vaqtda qabul qilish antibiotiklarni oʻpka toʻqimasiga yaxshi kirishiga yordam beradi. Tugʻruq faoliyatini susaytiruvchi preparatlar bilan mutanosib.

Preparat yoʻtalga qarshi preparatlar bilan majmuada qoʻllanganda yoʻtal refleksini bostirishi tufayli, suyulgan sekretni dimlanish xavfi bor. Shuning uchun yoʻtalga qarshi vositalarini qabul qilish faqat davolovchi shifokor koʻrsatmasiga koʻra amalga oshirilishi kerak.

 

Maxsus koʻrsatmalar

Preparatni buyrak yoki jigar funksiyasini buzilishi boʻlgan patsiyentlarga bronxial sekretining yuqori toʻplanishi bilan bogʻliq kasalliklarda (masalan, xavfli Kartagenera sindromida) oʻta ehtiyotkorlik bilan buyurish lozim. Bunday hollarda preparatni qabul qilishda shifokor nazorati talab qilinadi. Allergik reaksiyalarning birlamchi belgilari rivojlanganida preparatni qabul qilishni bekor qilish lozim. Navbatdagi dozani qabul qilish oʻtkazib yuborilgan hollarda keyingi qabul qilishlarda preparatning dozasini oshirib yubormaslik lozim.

Preparat qandli diabet bemorlariga buyurilganida 1 tabletka 0,01 NB ga muvofiq kelishini yodda tutish kerak.

Preparat bolalar ololmaydigan joyda saqlansin va yaroqlilik muddati oʻtgach ishlatilmasin.

 

Dozani oshirib yuborilishi

Hozirgi vaqtgacha preparatning dozasi oshirib yuborilganda zaharlanish holatlari kuzatilmagan. Ammo baʼzida: qisqa muddatli bezovtalik va ich ketishi, doza kuchli oshirib yuborilganida arterial bosimni pasayishi, qusish, koʻp soʻlak ajralishi kuzatilishi mumkin

Davolash: bunday hollarda, ayniqsa doza kuchli oshirib yuborilganida shifokorga murojaat qilish va uning tavsiyasi boʻyicha meʼdani yuvish, yogʻ saqlovchi mahsulotlarni qabul qilish, gemodinamik koʻrsatkichlarni nazorat qilish, zarurati boʻlganda simptomatik davolashni oʻtkazish kerak.

 

Chiqarilish shakli

10 tabletkadan blisterda, 2 yoki 3 blisterlar qoʻllash yoʻriqnomasi bilan birga karton oʻramda.