Ilovani yuklab oling
Yuklab olish
АЛТЕЙКА СИРОП

Oson Apteka - Dorixonalar ma'lumotnomasi

АЛТЕЙКА СИРОП 90МЛ №1

2 000 so'mdan
(3947)
Dorixonalardagi narx
Xususiyatlari
Xalqaro nomi
Ishlab chiqaruvchi
ЛЕКИНТЕРКАПС
Chiqarilish shakli
СИРОП
Farma. Guruh
Pharm Group Name
Dori tafsilotlari
Дори шакли
Фармакологик хусусиятлари
Қўлланилиши
Қўллаш усули ва дозалари
Қўллаш мумкин бўлмаган ҳолатлар
Бошқа дори воситалари билан ўзаро таъсири
Дозани ошириб юборилиши
Яроқлилик муддати
Сақлаш шароити
Дорихоналардан бериш тартиби
Дори шакли

Сироп

Фармакологик хусусиятлари

Гулхайри илдизининг экстракти асосидаги сироп, асосий таъсир этувчи модда сифатида полисахаридлар, шунингдек пектинлар, аминокислоталар ва бошқаларни сақловчи мажмуавий ўсимлик препаратидир. Препарат бронхосекретор, балғам кўчирувчи, ўраб олувчи таъсирларга эга. Меъда шиллиқ қаватининг рецепторларига кучсиз қитиқловчи таъсир кўрсатади, бронхиал ва сўлак безларининг секрециясини рефлектор рағбатлантиради. Балғамни ҳосил бўлишини, унинг реологик (ёпишқоқлик, эластиклик, адгезивлик) хусусиятларини меъёрлаштириб, фаоллаштиради, бронхиалларнинг перисталтик ҳаракатини ва бронхларнинг липилловчи эпителийни мотор фаолиятини кучайтириб, балғамни чиқарилишига ёрдам беради. Препаратнинг ўсимлик полисахарид шиллиғи меъда шиллиқ қаватини ўраб олиб, цитопротектор ва яллиғланишга қарши самараларни чақиради, тўқималарнинг регенерациясига ёрдам беради. Меъда секрециясини камайтиради. Меъда ширасининг кислоталили муҳити қанчалик юқори бўлса, гастропротектор таъсири шунчалик кучли ва давомлироқ бўлади.

Қўлланилиши

Нафас аъзоларининг ўткир ва сурункали яллиғланиш касалликлари: ларингитлар, трахеитлар, бронхитлар, бронхиал астма, кўкйўтал. Гастритлар, меъда ва ўникки бармоқ ичакнинг меъда ширасининг юқори кислоталилиги билан кечувчи яра касаллиги.

Қўллаш усули ва дозалари

Қўллашдан олдин чайқатиш керак. Препарат овқатдан олдин буюрилади: катталар ва 14 ёшдан ошган болаларга сироп 1 ош қошиқдан суткада 4-6 марта буюрилади.

6 дан 14 ёшгача бўлган болаларга препарат 1 десерт қошиқдан (10 мл сироп) суткада 4-6 марта буюрилади.

6 ёшгача бўлган болаларга керакли миқдордаги сироп оз миқдордаги қайнаган сувда (10-15 мл ёки 2-3 чой қошиқда) суюлтирилади:

2 дан 6 ёшгача – сироп 5 мл дан суткада 4-6 марта;

1 дан 2 ёшгача – 2,5 мл дан суткада 3-4 марта;

1 ёшгача бўлган болаларга – 2,5 мл дан суткада 1-2 марта буюрилади.

Даволаш курсининг давомийлиги даволашнинг самарасига қараб, шахсий равишда белгиланади ва у одатда 7-14 кунни ташкил қилади.

 

Қўллаш мумкин бўлмаган ҳолатлар

Препаратнинг компонентларига юқори сезувчанлик. Ҳомиладорлик, лактация (қўллашдаги тажрибалар йўқлиги туфайли).

Бошқа дори воситалари билан ўзаро таъсири

Ўрганилмаган

Дозани ошириб юборилиши

Дозани ошириб юборилиши ҳоллари номаълум.

Яроқлилик муддати

2 йил.

Сақлаш шароити

Ёруғликдан ҳимояланган жойда, 250С дан юқори бўлмаган ҳароратда сақлансин.

Флаконни очилганидан кейин, (4-8)0С ҳароратда 14 сутка давомида сақлансин.

Дорихоналардан бериш тартиби

Рецептсиз