Ilovani yuklab oling
Yuklab olish
Аллервэй экспресс

Oson Apteka - Dorixonalar ma'lumotnomasi

Аллервэй экспресс ТАБЛЕТКА 5мг №10

18 900 so'mdan
(2683)
Dorixonalardagi narx
Xaritada topish
Tavsif
Аллервэй экспресс ТАБЛЕТКА 5мг №10
Xususiyatlari
Xalqaro nomi
Ishlab chiqaruvchi
Chiqarilish shakli
Farma. Guruh
Dori tafsilotlari
Dori shakli: 
Tarkibi:
Taʼrifi: 
Farmakoterapevtik guruhi: 
Farmakologik xususiyatlari
Qoʻllanilishi
Chiqarilish shakli
Saqlash sharoiti
Yaroqlilik muddati
Dorixonalardan berish tartibi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan holatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Dori shakli: 

plyonka qobiq bilan qoplangan tabletkalar, 5 mg

 

Tarkibi:

Bir tabletka quyidagilarni saqlaydi:

faol modda – levotsetirizin digidroxloridi 5 mg;

yordamchi moddalar: laktoza monogidrati, mikrokristall sellyuloza, suvsiz kolloid kremniy dioksidi, magniy stearati, “OPADRY White OY-58900” boʻyovchisi.

 

Taʼrifi: 

oval shaklli, ikki tomoni qavariq, bir tomonida “R5” gravirovkasi boʻlgan va ikkinchi tomoni yassi, oq yoki deyarli oq rangli plyonka qobiq bilan qoplangan tabletkalar.

 

Farmakoterapevtik guruhi: 

N1-gistamin retseptorlari antagonistlari

 

 

Farmakologik xususiyatlari

Farmakodinamikasi

Preparatning faol moddasi – levotsetirizin, setirizinning R-enantiomeri gistaminning raqobatli antagonistlari guruhiga mansub, N1-gistamin retseptorlarini bloklaydi. Levotsetirizinning N1-retseptorlariga yaqinligi setirizinga nisbatan 2 marta yuqori.

Levotsetirizin allergik reaksiyalarning gistaminga bogʻliq bosqichiga taʼsir koʻrsatadi, shuningdek eozinofillar migratsiyasini kamaytiradi, qon tomirlar oʻtkazuvchanligini kamaytiradi, yalligʻlanish mediatorlarini ajralib chiqishiin cheklaydi.

Levotsetirizin allergik reaksiyalar rivojlanishini oldini oladi va kechishini yengillashtiradi, ekssudatsiyaga qarshi, qichishishga qarshi taʼsirlarga ega, deyarli antixolinergik va antiserotonin taʼsir koʻrsatmaydi. Terapevtik dozalarda dyayerli sedativ samara koʻrsatmaydi.

Preparatning taʼsiri bir marta qabul qilingandan 12 minutdan keyin 50% bemorlarda, 1 soatdan keyin 95% bemorlarda boshlanadi va 24 soat davomida saqlanadi.

Farmakokinetikasi

Levotsetirizinning farmakokinetik koʻrsatkichlari proporsional oʻzgaradi va setirizinning farmakokinetikasidan deyarli farq qilmaydi.

Soʻrilishi

Preparat ichga qabul qilingandan keyin meʼda-ichak yoʻllaridan tez va toʻliq soʻriladi. Ovqat qabul qilish soʻrilishning toʻliqligiga taʼsir koʻrsatmaydi, garni uning tezligi pasayadi. Kattalarda preparatni terapevtik dozada (5 mg) bir marta qabul qilgandan keyin qon plazmasidagi maksimal konsentratsiyasiga (Smax) 0,9 soatdan keyin erishiladi va 270 ng/ml ni tashkil qiladi; sutkada 5 mg dozada takroran qabul qilinganda –
308 ng/ml ni tashkil qiladi. Konsentratsiyaning doimiy darajasiga 2 sutkadan keyin erishiladi.

Taqsimlanishi

Levotsetirizin qon plazmasi oqsillari bilan 90% bogʻlanadi. Taqsimlanish xajmi (Vd) 0,4 l/kg ni tashkil qiladi. Biokiraolishligi 100% ga yetadi.

 

Metabolizmi

Organizmda farmakologik faol boʻlmagan metabolitlarni hosil qilib N- va O-dealkilizatsiya yoʻli bilan (jigarda sitoxrom tizimi yordamida metabolizmga uchraydigan N1-gistamin retseptorlarining boshqa antagonistlaridan farq qilib) oz miqdorda (<14%) metabolizmga uchraydi.

Dealkilizatsiya eng avvalo CYP3A4 ga bogʻliq, aromatik oksidlanish vaqtida CYP ning koʻp sonli va/yoki nomaʼlum izoshakllari ishtirok etadi. Levotsetirizin 5 mg dozani qabul qilinganda erishilgan choʻqqi konsentratsiyadan ancha yuqori konsentratsiyalarda CYP 1A2, 2S9, 2S19, 2D6, 2Е1 va 3A4 izofermentlarining faoliyatiga taʼsir koʻrsatmaydi.

Metabolizmning past darajasi va metabolik potensialining yoʻqligi tufayli, levotsetirizinni boshqa dori preparatlari bilan oʻzaro taʼsirining ehtimoli past.

Chiqarilishi

Kattalarda yarim chiqarilish davri (T1/2) 8±2 soatni tashkil qiladi; kichik bolalarda T1/2 qisqaradi. Kattalarda umumiy klirensi minutiga 0,63 ml/kg ni tashkil qiladi. Preparatning qabul qilingan dozasining taxminan 85,4 % buyraklar orqali oʻzgarmagan koʻrinishda kalavalar filtratsiyasi va kanalchalar sekretsiyasi yoʻli orqali; taxminan 12,9% – ichak orqali chiqariladi.

Buyrak yetishmovchiligi (kreatinin klirensi (KK) <40 ml/min ) boʻlgan patsiyentlarda preparatning klirensi kamayadi, T1/2 esa uzayadi (gemodializda boʻlgan bemorlarda umumiy klirens 80% ga kamayadi), bu dozalash tartibini tegishli ravishda oʻzgartirishni talab etadi. Levotsetirizinning 10% dan kamrogʻi standart 4-soatlik gemodializ muolajasi jarayonida chiqariladi.

 

Qoʻllanilishi
  • allergik rinitni (shu jumladan doimiy allergik konʼyuktivit) va aksirish, burun shilliq qavatini shishi, koʻz yoshi oqishi, rinoreya va burun shilliq qavati va konʼnktivani giperemiyasi bilan kechuvchi rinitni simptomatik davolash.
  • polinoz, angionevrotik shish bilan kechuvchi idiopatik eshakemining surunkali shakli va toshma va qichishish bilan kechuvchi allergik dermatozlarni davolashda qoʻllanadi.

 

Chiqarilish shakli

10 tabletkadan (PA/AL/PVX) folga/alyumin folgali blisterda. 1 blisterdan davlat va rus tillaridagi qoʻllash boʻyicha yoʻriqnomasi bilan karton qutida.

 

Saqlash sharoiti

25°S dan yuqori boʻlmagan haroratda saqlansin.

 

Yaroqlilik muddati

2 yil

 

Dorixonalardan berish tartibi

Retseptsiz

Qoʻllash usuli va dozalari

Tabletkalar ovqat bilan yoki och qoringa, oz miqdordagi suv bilan chaynamasdan ichga qabul qilinadi.

6 yoshdan 12 yoshgacha boʻlgan bolalar:

Tavsiya etilgan kunduzgi doza 5 mg (plyonka qobiq bilan qoplangan 1 tabletka) ni tashkil etadi.

12 yosh va undan katta oʻsmirlar va kattalar:

Tavsiya etilgan kunduzgi doza 5 mg (plyonka qobiq bilan qoplangan 1 tabletka) ni tashkil etadi.

Keksa patsiyentlar: oʻrtacha va ogʻir buyrak yetishmovchiligi boʻlgan keksa yoshdagi patsiyentlarda dozaga tuzatish kiritish tavsiya etiladi (quyida “Buyrak yetishmovchiligi boʻlgan katta patsiyentlar” boʻlimiga qarang).

Buyrak yetishmovchiligi boʻlgan katta patsiyentlar: dozalar orasidagi interval buyrak faoliyatiga qarab shaxsiy ravishda aniqlanishi kerak. Quyidagi jadvalga qarang va dozaga koʻrsatilganidek tuzatish kiriting. Bu dozalash boʻyicha jadvaldan foydalanish uchun ml/min da kreatinin klirensi (KK) ni baholash talab etiladi. KK (ml/min da) quyidagi formula boʻyicha zardobdagi kreatinin (ml/dl) boʻyicha baholanishi mumkin:

                      [140 – yosh (yil)] x tana vazni (kg) (x 0,85 ayollar uchun)

KK = ————————————————————-

             72 x zardobdagi kreatinin (mg/dl)

Buyrak faoliyatini buzilishi boʻlgan patsiyentlar uchun dozaga tuzatish kiritish:

Guruh

Kreatinin klirensi

(ml/min)

Dozalash va tez-tezligi

 

Normal

≥80

5 mg kuniga bir marta

Ahamiyatsiz

50 – 79

5 mg kuniga bir marta

Oʻrtacha

30 – 49

5 mg 2 kunda bir marta

Ogʻir

< 30

5 mg 3 kunda bir marta

Buyrak yetishmovchiligining terminal bosqichi –  dializdagi patsiyentlar

< 10

Qoʻllash mumkin emas

Buyrak yetishmovchiligi boʻlgan bolalar: buyrak klirensi va patsiyentning tana vazniga qarab dozaga tuzatish kiritish kerak.

Jigar yetishmovchiligi boʻlgan patsiyentlar: faqat jigar yetishmovchiligi boʻlgan patsiyentlarda dozaga tuzatish kiritish talab etilmaydi. Jigar va buyrak yetishmovchiligi boʻlgan patsiyentlarda dozaga tuzatish kiritish talab etiladi (“Buyrak yetishmovchiligi boʻlgan katta patsiyentlar” boʻlimiga qarang).

Qoʻllash davomiyligi

Davriy allergik rinit (simptomlar<4 kun/xafta yoki 4 xaftadan kamroq) kasallik va uning tarixiga qarab koʻrib chiqilishi kerak, uni faqat simptomlar bartaraf etilgandan keyin toʻxtatish mumkin va simptomlar paydo boʻlganda takroran boshlash mumkin. Turgʻun allergik rinit (simptomlar>4 kun/xafta yoki 4 xaftadan koʻproq) holatlarida allergen bilan kontakt davrida patsiyentga uzluksiz davolash taklif etilishi mumkin. Surunkali eshakemi va surunkali allergik rinitda ratsematni bir yilgacha qoʻllash tajribasi mavjud.

 

Nojoʻya taʼsirlari

6-12 yoshdagi bolalarda: bosh ogʻrigʻi, uyquchanlik.

12 yoshdan oshgan oʻsmirlar va kattalar: bosh ogʻrigʻi, uyquchanlik, ogʻizni qurishi, toliqish.

Postmarketing tajribasi:

  • oʻta yuqori sezuvchanlik, shu jumladan anafilaksiya, angionevrotik shish, toshma, chiqishish, eshakemi
  • ishtahani oshishi, koʻngil aynishi, qusish
  • tajavuzkorlik, qoʻzgʻalish, gallyutsinatsiyalar, depressiya, uyqusizlik, oʻz joniga qasd qilish fikri, tirishishlar, paresteziya, bosh aylanishi, hushdan ketish, tremor, disgevziya, koʻrishni buzilishi, koʻrishni noaniqligi
  • yurak urib ketishi, taxikardiya
  • hansirash
  • dizuriya, siydikni tutilishi
  • mushaklarda ogʻriq
  • shish
  • tana vaznini oshishi, jigar faoliyatini buzilishi

 

Qoʻllash mumkin boʻlmagan holatlar
  • piperazon hosilalari yoki preparatning har qanday komponentiga yuqori sezuvchanlik
  • surunkali buyrak yetishmovchiligining ogʻir shakli (KK minutiga 10 ml dan kam)
  • 6 yoshgacha boʻlgan bolalar
  • homiladorlik va laktatsiya davrida qoʻllash mumkin emas.

 

Dorilarning oʻzaro taʼsiri

Levotsetirizin bilan oʻzaro taʼsir (shu jumladan CYP3A4 induktorlari bilan oʻtkazilgan tadqiqotlar) haqidagi maʼlumotlar mavjud emas; setirizinni ratsemat bilan birikmasi boʻyicha oʻtkazilgan tadqiqotlar biron-bir klinik ahamiyatli noxush oʻzaro taʼsirlarni namoyish qilmagan (antipirin, soxtaefedrin, simetidin, ketokonazol, eritromitsin, azitromitsin, glipizid va diazepam bilan).

Teofillinning bir necha dozalari (400 mg kuniga bir marta) bilan oʻtkazilgan tadqiqotda setirizinning klirensini biroz (16%) pasayishi kuzatilgan, ayni vaqtda setirizin bilan bir vaqtda qoʻllanilganda teofillinning soʻrilishi oʻzgarmaydi.

Ritonavir (600 mg kuniga ikki marta) va siterizinni (sutkada 10 mg) bir vaqtda qoʻllanilganda setirizinning taʼsir darajasi taxminan 40% ga oshgan, ritonavirni soʻrilishi biroz (-11%) oʻzgargan, bu keyinchalik setirizinni soʻrilishiga olib kelgan. Setirizinni ovqat bilan birga qabul qilinganda soʻrilishi kamaymaydi, garchi soʻrilish tezligi pasayadi.

Sezgir patsiyentlarda setirizin yoki levotsetirizin va alkogol yoki MNT boshqa depressantlarini bir vaqtda qoʻllash markaziy nerv tizimiga taʼsir koʻrsatishi mumkin, garchi seterizin ratsemati alkogolning taʼsirini kuchaytirmasligini namoyish qilgan.

 

Maxsus koʻrsatmalar

Surunkali buyrak yetishmovchiligi boʻlgan patsiyentlar hamda oʻrtacha va ogʻir darajadagi buyrak yetishmovchiligi boʻlgan keksa yoshdagi patsiyentlar:

Dozalash tartibiga tuzatish kiritish talab etiladi (“Qoʻllash usuli va dozalari “Buyrak yetishmovchiligi boʻlgan katta patsiyentlar” boʻlimiga qarang).

Siydikni tutilishiga moyilligiga moyil omillari boʻlgan patsiyentlarda ehtiyotkorlik bilan qoʻllash kerak (masalan orqa miya xordasini shikastlanishi, prostata bezi giperplaziyasi), chunki levotsetirizin siydikni tutilishi rivojlanish xavfini oshirishi mumkin. Preparatning laktoza mavjudligi tufayli, galaktozani kam uchraydigan nasliy oʻzlashtiraolmaslik, Lapp laktaza tanqisligi yoki glyukozo-galaktoz malabsorbsiya sindromi boʻlgan patsiyentlar bu preparatni qabul qilmasliklari kerak.

Dori vositasini transport vositalarini yoki potensial xavfli mexanizmlarni boshqarish qobiliyatiga taʼsirining oʻziga xosligi

Avtomobilni boshqarish va mexanizmlar bilan ishlash qobiliyatini obyektiv baholaganda 5 mg tavsiya etilgan doza buyurilganda biron-bir noxush koʻrinishlar ishonchli ravishda aniqlanmagan. Shunga qaramasdan, diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlari bilan shugʻullanishdan saqlanish maqsadga muvofiq.

Preparat bolalar ololmaydigan joyda saqlansin va yaroqlilik muddati oʻtgach qoʻllanilmasin.

 

Dozani oshirib yuborilishi

Simptomlari: uyquchanlik, bolalarda – bezovtalik va yuqori taʼsirchanlik koʻrinishidagi intoksikatsiya belgilari.

Davolash: dozani oshirib yuborilishi simptomlari paydo boʻlganda (ayniqsa bolalarda) preparatni qabul qilishni toʻxtatish, meʼdani yuvish, faollashtirilgan koʻmirni qabul qilish, simptomatik davolash kerak. Spetsifik antidoti yoʻq. Gemodializ samarasiz.