Ilovani yuklab oling
Yuklab olish
5-Фторурацил-Эбеве КОНЦЕНТРАЦИЯ

Oson Apteka - Dorixonalar ma'lumotnomasi

5-Фторурацил-Эбеве КОНЦЕНТРАЦИЯ ДЛЯ ИНФУЗИИ 500мг/10мл №1

97 000 so'mdan
(3200)
Dorixonalardagi narx
Xususiyatlari
Xalqaro nomi
Fluorouracil
Ishlab chiqaruvchi
ЭБЕВЕ
Chiqarilish shakli
КОНЦ Д/ИНФ
Farma. Guruh
Противоопухлевые препараты
Dori tafsilotlari
Tarkibi:
Taʼrifi:
Farmakoterapevtik xususiyatlari:
Saqlash sharoiti
Yaroqlilik muddati
Dorixonalardan berish tartibi
Dori shakli: 
Farmakologik xususiyatlari
Qoʻllanilishi
Qoʻllash usuli va dozalari
Nojoʻya taʼsirlari
Qoʻllash mumkin boʻlmagan xolatlar
Dorilarning oʻzaro taʼsiri
Maxsus koʻrsatmalar
Dozani oshirib yuborilishi
Chiqarilish shakli
Tarkibi:

Infuziya uchun eritma tayyorlash uchun 1 ml konsentrat quyidagilarni saqlaydi:

faol modda: 50 mg ftoruratsil;

yordamchi moddalar: natriy gidroksidi, inyeksiya uchun suv.

 

Taʼrifi:

 rangsiz yoki sargʻish rangli, yot zarrachalarsiz tiniq eritma.

 

Farmakoterapevtik xususiyatlari:

 oʻsmalarga qarshi vositalar, antimetabolitlar, pirimidinlar analoglari.

 

 

Saqlash sharoiti

Yorugʻlikdan himoyalangan joyda, 25oS dan yuqori boʻlmagan haroratda saqlansin.

Izox: past harorat taʼsirida choʻkma paydo boʻlgan boʻlsa eritmani ishlatishdan oldin kuchli chayqatib turib, 60oS gacha qizdiriladi, keyin xona haroratigacha sovutiladi. Faqat choʻkma boʻlmagan tiniq eritma qoʻllanilsin.

Foydalanmagan preparat yoki chiqindilar mahalliy talablar asosida utilizatsiya qilinishi.

Faqat bir marta qoʻllash uchun.

 

Yaroqlilik muddati

2 yil.

 

 

Dorixonalardan berish tartibi

Retsept boʻyicha.

Dori shakli: 

infuziya uchun eritma tayyorlash uchun konsentrat.

 

Farmakologik xususiyatlari

Farmakodinamikasi

Ftoruratsil antimetabolit hisoblanadi, pirimidin antagonisti boʻlgani tufayli DNK sinteziga qarshilik qiladi, hujayralar boʻlinishini ingibitsiya qiladi. Boshlangʻich koʻrinishida ftoruratsil oʻsmalarga qarshi faollikka ega emas, u organizmda fermentlar taʼsirida fosforlangan shakllari: 5-ftoruridin va 5-ftordezoksiuridinga aylanganda faollikka ega boʻladi.

Farmakokinetikasi

Ftoruratsil vena orqali yuborilgandan keyin butun organizm boʻyicha taqsimlanadi va koʻproq suyak koʻmigi, ichak shilliq qavatida va oʻsma toʻqimasida aniqlanadi. Ftoruratsil gematoensefalik toʻsiqdan oʻtadi. Biokiraolishligi 0-80% ni tashkil etadi. Taqsimlanish hajmi tana vaznining 0,12 l/kg ga teng. Ftoruratsil uratsil metabolizmga oʻxshash jigarda metabolik oʻzgarishlarga uchraydi. Ftoruratsil fermentlar taʼsirida metabolik oʻzgarishlarga uchraydi. Ftoruratsil fermentlar taʼsirida tezda faol metabolit-digidro-5-ftoruratsilga aylanadi, uning yarim parchalanish davri ftoruratsilnikidan ancha yuqori. Bundan tashqari parchalanishning toksik boʻlmagan mahsulotlari uglerod ikki oksidi va mochevina hosil boʻladi. Ftoruratsil yarim chiqarilish davri yuborilgan dozaga bogʻliq boʻlib, 8-22 minutga teng. Chiqib ketish asosan oʻpka orqali uglerod ikki oksidi koʻrinishida amalga oshadi. Kam miqdorda buyrak orqali oʻzgarmagan holda chiqariladi. Buyrak klirensi minutiga 170-180 ml orasida. Buyrak faoliyati pasaygan shaxslarda modda sekinroq chiqib ketadi.

 

Qoʻllanilishi

5-Ftoruratsil Ebeve tarqalgan kolorektal raki, tarqalgan meʼda osti bez raki, tarqalgan va (yoki) metastatik sut bezining raki, bosh va boʻyinning tarqalgan xavfli oʻsmalari, tarqalgan meʼda raki, tarqalgan bachadon boʻyni rakini monoterapiyasida yoki majmuaviy davolashda qoʻllaniladi.

 

Qoʻllash usuli va dozalari

Davolash shifoxona sharoitida, ximioterapiya oʻtkazish tajribasiga ega boʻlgan shifokor nazorati ostida olib borilishi kerak. 5-Ftoruratsil mono- yoki majmuaviy davolashda qoʻllaniladi. Dozalash tartibi va qoʻllash usuli ancha farq qilishi mumkin boʻlganligi tufayli, quyidagi tavsiyalar faqat tanishish xarakteriga ega. Aniq dozani tanlayotgan vaqtda konkret kasallikni davolashda samaradorligini tasdiqlagan davolash protokollariga amal qilish kerak.

Har kuni qoʻllashda boshlangʻich davolash:

Vena ichiga infuziya: tana vazniga 15 mg/kg (600 mg/m2) sutkalik dozani nojoʻya samaralar paydo boʻlguncha 4 soat davomida yuboriladi.

Vena ichiga inyeksiya: tana vazniga 12 mg/kg (480 mg/m2) dozani sekin amalga oshiriladigan vena orqali inyeksiya (2-3 minut) koʻrinishida har kuni 3 kun davomida yuboriladi, toksiklik belgilari paydo boʻlsa, tana vazniga 6 mg/kg (240 mg/m2) dozada 5, 7 va 9 kunlari yuborish mumkin.

Har haftada qoʻllanilganda boshlangʻich davolash: 15 mg/kg (600 mg/m2) dozani vena ichiga sekin haftada bir marta yuboriladi.

Samarani bir maromda saqlab turuvchi davolash: Remissiyaga erishilgandan keyin yoki nojoʻya samaralar yoʻqolgandan keyin va qayta tekshirishda leykotsitlar soni 3000 dan 4000/mkl, trombotsitlar 80000 dan 100 000/mkl gacha oshganda 5-10 mg/kg (200-400 mg/m2) dozada haftada bir marta vena ichiga yuboriladi.

Maksimal sutkalik doza 1,0 g dan oshmasligi kerak.

Keltirilgan dozalar patsiyentning normal tana vazniga moʻljallangan. Semirish, shish yoki assitda dozani takroran hisoblab chiqish kerak.

Davolash davomiyligi karsinoma tipi va kasallik kechishiga bogʻliq.

Ftoruratsilni, nojoʻya samaralari profili shunga oʻxshash sitostatiklar yoki nur bilan davolash bilan majmuada qoʻllanganda, muvofiq ravishda dozani kamaytirish kerak.

Ftoruratsil toʻxtovsiz davom etadigan 24 soatli infuziya yoʻli orqali yuborilishi mumkin.

Quyida sanab koʻrsatilgan holatlar: kaxeksiya, oʻtkazilgan jiddiy jarroxlik aralashuvi, miyelosupressiya (leykotsitlar <4000/mkl, trombotsitlar < 100 000/mkl), jigar yoki buyrak faoliyatining buzilishi boʻlganda dozani 1/3 yoki ½ ga kamaytirish tavsiya etiladi.

Buyrak va jigar faoliyatini buzilishi boʻlgan patsiyentlar

Ftoruratsilni ehtiyotkorlik bilan qoʻllash kerak, zarurat boʻlganda dozani kamaytirish kerak.

Keksa patsiyentlar (65 yoshdan katta)

Dozaga tuzatish kiritish talab qilinmaydi, lekin bunday patsiyentlar holatini sinchiklab nazorat qilib turish tavsiya etiladi.

Bolalar va oʻsmirlar

Bu toifadagi patsiyentlarda qoʻllashning samaradorligi va xavfsizligi toʻgʻrisidagi maʼlumotlar yetarli emas.

Preparat suyultirilgandan keyin vena ichiga inyeksiya yoki infuziya uchun qoʻllaniladi. Yuborishdan oldin infuziya uchun eritma tayyorlash uchun konsentrat natriy xloridining fiziologik eritmasi yoki glyukozaning 5% li eritmasi bilan suyultiriladi.

 

Nojoʻya taʼsirlari

Nojoʻya samaralar tez-tezligi quyidagicha tasniflangan: juda tez-tez (≥1/10), tez-tez (≥1/100 dan 1/10), tez-tez emas (≥1/1000 <1/100 gacha), tez emas (≥1/1000 dan <10/100 gacha), kam hollarda (≥1/10000 dan <1/1000 gacha) juda kam hollarda (<1/10000), tez-tezligi nomaʼlum (bor maʼlumotlarga koʻra baholab boʻlmaydi).

Qon va limfatik tizim tomonidan buzilishlar

Juda tez-tez: miyelosupressiya (dozani chegaralaydigan nojoʻya samaralaridan biri), neytropeniya va trombotsitopeniya (yengildan tortib to ogʻir darajagacha), leykopeniya, agranulotsitoz, anemiya, burundan qon ketishi va pansitopeniya.

Leykopeniya preparatni qoʻllagandan keyin 9-14 yaqqolroq rivojlangan. Odatda 30 kundan keyin leykotsitlar soni normallashadi. Miyelosupressiya darajasi yuborish usuli (vena ichiga oqim bilan inyeksiya yoki vena ichiga uzluksiz infuziya) va dozaga bogʻliq. Neytropeniya odatdagi dozada vena ichiga oqim bilan inyeksiya orqali xar bir davolash siklidan keyin kuzatiladi (neytrofillar sonini maksimal darajada kamayishi davolashning 9 dan 14-20 kunigacha; odatda normallanishi 30 kundan boshlanadi).

Immun tizimi tomonidan buzilishlar:

Juda tez-tez: infeksiya rivojlanishi tez-tezligi oshishi bilan kechuvchi immunosupressiya.

Kam hollarda: anafilaktik shokgacha boʻlgan tarqalgan allergik reaksiyalar boʻlishi mumkin.

Endokrin tizimi tomonidan buzilishlar:

Tez-tezligi nomaʼlum: gipertireozning klinik belgilarisiz va zardobda erkin T4 va TTG oshmasdan umumiy tiroksin T4 va umumiy triyodtirokin (T3) miqdorining koʻpayishi.

Moddalar almashinuvi va oziqlanish buzilishlari:

Juda tez-tez: giperurikemiya

Nerv tizimi tomonidan buzilishlar:

Tez-tez emas: nistagm, bosh ogʻrigʻi, bosh aylanishi, parkinsonizm belgilari, kortikosignal belgilar, eyforiya, uyquchanlik.

Juda kam xollarda: ataksiya, nutqni buzilishlari, ongni chalkashishi, oriyentatsiyani buzilishlari, miasteniya, afaziya simptomlari bilan kechadigan (leyko) ensefalopatiya, ftoruratsilning yuqori dozalari yuborilgandan keyin yoki DPD yetishmovchiligi boʻlgan patsiyentlarda tirishishlar yoki koma.

Koʻrish aʼzolari tomonidan buzilishlari:

Tez-tez emas: koʻp koʻz yoshi oqishi, koʻrishning noaniqligi, koʻz motorikasini buzilishlari, koʻrish nervini yalligʻlanishi, diplopiya, koʻrish oʻtkirligini pasayishi, yorugʻlikdan qoʻrqish, konʼyunktivit, ektropiya chandiqlari bilan bogʻliq blefarit, koʻz yoshi bezlari fibrozi.

Yurak tomonidan buzilishlari:

Juda tez-tez: ishemiyaga xarakterli EKG dagi oʻzgarishlar

Tez-tez: anginoz pektoralgiya.

Tez-tez emas: aritmiya, miokard infarkti, miokard ishemiyasi, miokardit, yurak yetishmovchiligi, dilyatatsion kardiomiopatiya va kardiogen shok.

Juda kam hollarda: yurak yetishmovchiligi natijasida yurak toʻxtab qolishi va toʻsatdan oʻlim.

Kardiotoksik nojoʻya samaralar birinchi sikldan yuborish vaqtida yoki yuborilgandan keyin bir necha soatdan keyin rivojlanadi.

Ilgari yurak ishemik kasalligi yoki kardiomiopatiyasi boʻlgan patsiyentlarda kardiotoksik nojoʻya samaralar  rivojlanishi xavfi yuqori.

Qon tomirlari tomonidan buzilishlar:

Tez-tez emas: gipotenziya

Kam hollarda: serebral, ichak va periferik ishemiyasi, Reyno sindromi, tromboemboliya, tromboflebit.

Nafas aʼzolari, koʻkrak qafasi va koʻks oraligʻi tomonidan buzilishlar:

Juda tez-tez: bronxospazm

Meʼda-ichak yoʻllari tomonidan buzilishlar:

Juda tez-tez: shilliq qavatlarni yalligʻlanishi (stomatit, faringit, eozofagit, proktit, anoreksiya, seroz diareya, koʻngil aynishi va qusish kabi meʼda-ichak yoʻllari tomonidan samaralar (hayot uchun potensial xavfli).

Tez-tez emas: suvsizlanish, sepsis, meʼda-ichak yoʻllarida yaralar va qon ketishlari, yaraning avj olishi.

Meʼda-ichak yoʻllarida tomonidan rivojlangan nojoʻya samaralar darajasi (AQSH dagi rakni tekshiruvchi Milliy Institutning toksiklikni baholash umumiy mezonlari boʻyicha I-IV) dozaga va yuborish usuliga bogʻliq. Uzluksiz vena ichiga infuziyada yuborilganda dozani cheklaydigan miyelosupressiyaga qaraganda stomatit rivojlanishiga koʻproq kutish mumkin.

Jigar va oʻt chiqarish yoʻllari tomonidan buzilishlar:

Tez-tez emas: jigar hujayralarini shikastlanishlari.

Juda kam hollarda: jigar nekrozi (baʼzida oʻlimga olib keluvchi), oʻt sklerozi, xoletsistit.

Teri va teri osti yogʻ klechatkasi tomonidan buzilishlar:

Juda tez-tez: soch toʻkilishi, yara bitishini sekinlashishi, “panja-tovon” sindromi, belgilari: oyoq va qoʻl kaftida qizarish, ogʻriq, shish va teri poʻst tashlashi.

Tez-tez emas: ekzantemalar, terida oʻzgarishlar (terini qurishi, eroziya/yorilishlar, eritema, qichishish, makulopapulez toshmalar), dermatit, eshakemi, yorugʻlikni sezish, teri giperpigmentatsiyasi va koʻndalang targʻil giperpigmentatsiya yoki vena oʻtadigan joylarda depigmentatsiya, tirnoqda oʻzgarishlar (masalan, diffuz yuzaki koʻk pigmentatsiya, giperpigmentatsiya, onixodistrofiya, tirnoq oʻrnida ogʻriq va qalinlashishi, paronixiya) va onixolizis.

Qizarish, shish, ogʻriq va teri poʻstloq tashlashlari bilan namoyon boʻladigan oyoq va qoʻl kafti sindromi uzluksiz vena ichiga infuziyada juda tez-tez, vena ichiga oqim bilan inyeksiyada esa tez-tez rivojlanadi.

Reproduktiv tizim va sut bezi tomonidan buzilishlar:

Tez-tez emas: spermatogenez va ovulyatsiya buzilishlari

Umumiy oʻzgarishlar va yuborilgan joydagi buzilishlar:

Juda tez-tez: holsizlanish, umumiy asteniya, yuqori toliqish va motivatsiyani pasayishi, isitma.

 

Qoʻllash mumkin boʻlmagan xolatlar
  • Ftoruratsilga yoki preparatning har qanday biron-bir yordamchi moddasiga boʻlgan yuqori sezuvchanlik;
  • miyelosupressiya;
  • qon koʻrsatkichlarining normadan jiddiy ogʻishlari;
  • qon ketishlari;
  • ogʻir jigar va (yoki) buyrak disfunksiyasi;
  • oʻtkir, ogʻir infeksiyalar (oʻrab oluvchi temiratki, suvchechak);
  • stomatit;
  • ogʻiz boʻshligʻi va meʼda-ichak yoʻllari yaralari;
  • soxtamembranoz enterokolit;
  • umumiy ogʻir holat;
  • homiladorlik va emizish davrida qoʻllash mumkin emas.

Ftoruratsilni brivudin, sorivudin va ularning analoglari bilan birga qoʻllash mumkin emas, chunki ular ftoruratsilni parchalaydigan digidropirimidindegidrogenaza (DPD) ning eng kuchli ingibitori hisoblanadi.

DPD yetishmovchiligi boʻlgan patsiyentlarda ftoruratsilning odatdagi dozalari nojoʻya samaralar kuchayishiga turtki beradi. Jiddiy nomaʼlum samaralar kelib chiqqanda DPD faolligining monitoringi oʻtkazish mumkin. DPD yetishmovchiligi boʻlgan patsiyentlarda ftoruratsilni qoʻllash mumkin emas.

Ftoruratsil bilan davolashdan oldin va davolanish vaqti quyidagi tekshirishlar va tashxis analizlarini oʻtkazish tavsiya etiladi:

  • shilliq qavatlardagi oʻzgarishlarni aniqlash maqsadida xar kuni ogʻiz boʻshligʻi va halqumni koʻrib turish;
  • davolash boshlanishida har 2-3 kunda va ftoruratsilni xar bir yuborishdan oldin leykotsitlar formulasi va trombotsitlar sonini aniqlash bilan birga qonning kengaygan tahlili;
  • muntazam ravishda suv-elektrolit muvozanati;
  • muntazam ravishda jigar sinamalari koʻrsatkichlari;
  • siydik kislotasini aniqlash;
  • qon qoldiqlariga nisbatan axlat tahlili.

Ftoruratsilni peroral antikoagulyantlar bilan qoʻllaganda protrombin indeksining sinchiklab monitoringini amalga oshirib turish kerak.

Ftoruratsil kardiotoksiklik chaqirishi mumkin. Davolash vaqti koʻkragida ogʻriq paydo boʻlgan yoki anamnezida yurak kasalligi boʻlgan patsiyentlarda ftoruratsilni ehtiyotkorlik bilan qoʻllash kerak.

Kichik chanoq sohasida yuqori doza radiatsiyasi taʼsir etgan, alkillovchi preparatlar qabul qilgan, suyak va jigarga keng metastazalari boʻlgan, kaxeksiya holatidagi patsiyentlarga buyurilganda ehtiyot boʻlish kerak.

Metotreksat bilan majmuada boʻlganda optimal samaraga erishish uchun metotreksat ftoruratsildan 24 soat oldin yuboriladi (aksincha emas!).

DPD fermenti ftoruratsil parchalanishda katta rol oʻynaydi. Borivudin yoki sorivudin kabi nukleozid analoglari plazma tarkibida ftoruratsil va boshqa ftorpiramidinlar konsentratsiyasining keskin oshib ketishiga olib kelib, toksiklikni oshirishi mumkin. Shuning uchun ftoruratsil va brivudin, sorivudin va ularning analoglarini qoʻllash orasidagi vaqt kamida 4 haftaga teng boʻlishi kerak. Zarurati boʻlganda 5-ftorpiramidinlar bilan davolashni boshlashdan oldin DPD faolligini aniqlash kerak.

Ftoruratsil qabul qilgan patsiyentlarga behosdan brivudin yuborilganda, ftoruratsil toksikligini kamaytirishga qaratilgan samarali choralar qoʻllanilishi kerak. Zudlik bilan shifoxonaga yotish tavsiya etiladi. Tizimli infeksiyalar va suvsizlanishni oldini oladigan barcha choralar amalga oshirilishi kerak. DPD yetishmovchiligi yoki DPD ning faolligi past patsiyentlarda ftoruratsil bilan davolanayotgan vaqtda jiddiy va uzoq davom etadigan nojoʻya taʼsirlar kelib chiqishi xavfi katta. Shuning uchun boshlangʻich davrda DPD darajasini aniqlash maqsadga muvofiq. DPD yetishmovchiligi boʻlgan patsiyentlarga ftoruratsil yuborilmaydi.

Anafilaktik reaksiya kelib chiqishi mumkin boʻlganligi uchun ftoruratsilni yuborishdan oldin ehtiyotkorlikka rioya qilish va oldini olish choralarini qoʻllash kerak.

Ftoruratsil mutagenlikni namoyon qilishi mumkin. Erkaklar ftoruratsil bilan davolanayotganda va kamida keyingi 6 oy davomida kontratsepsiyaning ishonarli usullari uchun qoʻllashlari kerak. Ftoruratsil bilan davolanish natijasida qaytarib boʻlmaydigan bepushtlik rivojlanishi mumkin boʻlganligi tufayli patsiyentlar davolanishni boshlashdan oldin sperma konservatsiyasi mumkinligi boʻyicha maslahat olishlari kerak. Tugʻruq yoshdagi ayollar kontratsepsiyaning ishonarli usullarini qoʻllashlari kerak. Davolangandan keyin genetik maslahat olish tavsiya etiladi.

Ftoruratsil bilan birga fenitoin qabul qilayotgan patsiyentlar plazmada fenitoin miqdori oshishini aniqlash uchun muntazam tekshirishda boʻlishlari kerak.

Ichak devorlari shikastlanganda simptomatik davolash talab qilinadi, ogʻirlik darajasiga qarab, masalan, organizmda suyuqlik zahiralarini toʻldirish.

Yengil diareyani diareyaga qarshi vositalar bilan toʻxtatish mumkin, lekin oʻrta ogʻir diareyalarda ularni qoʻllash yetarli boʻlmasligi mumkin.

Ftoruratsil bilan davolanayotganda tirik vaksinalar bilan emlash mumkin emas.

Polimelit vaksinasi bilan kontaktni butunlay yoʻq qilish kerak. Quyidagi simptomlar mavjud boʻlganda davolanishni zudlik bilan toʻxtatish kerak: meʼda-ichak yoʻllaridagi reaksiyalar (stomatit, shilliq qavat yalligʻlanishi, ogʻir diareya, ogʻir darajadan qusish, yaralar, qon ketishlar), leykotsitlar < 3000/mkl, trombotsitlar, <80 000/mkl, MNT tomonidan nojoʻya reaksiyalar (shu jumladan ataksiya va tremor) yurak tomonidan reaksiyalar. Davolash nojoʻya reaksiyalar yoʻqolgandan keyin va patsiyentning umumiy ahvoli yaxshilangandan soʻng davom ettirilishi mumkin.

Meʼda-ichak yoʻllari tomonidan ogʻir toksiklik, kardiotoksiklik va nevrologik toksiklik boʻlsa davolashni davom ettirish tavsiya etilmaydi.

 

Dorilarning oʻzaro taʼsiri

 

Quyida keltirilgan maʼlumotlar yaqinda qoʻllanilgan dori vositalariga ham tegishli.

Patsiyent jismoniy holatini ogʻirlashtiradigan yoki miyeloid faoliyatga salbiy taʼsir etadigan (masalan boshqa sitostatiklarni qoʻllash) barcha davolash choralari ftoruratsilning toksikligini kuchaytirishi mumkin.

Ftoruratsil nur bilan davolashda uning teriga toksikligini kuchaytirishi mumkin.

DPD fermenti ftoruratsil parchalanishda katta rol oʻynaydi. Brivudin yoki sorivudin kabi nukleozid analoglari plazma tarkibida ftoruratsil va boshqa ftorpiramidinlar konsentratsiyasining keskin oshib ketishiga olib kelishi va natijada toksiklikni oshirishi mumkin.

Shuning uchun ftoruratsil va brivudin, sorvudin va ularning analoglarini qoʻllash orasidagi vaqt kamida 4 haftaga teng boʻlishi kerak. Zarurati boʻlganda 5-ftorpiramidlar bilan davolashni boshlashdan oldin DPD fermenti faolligini aniqlash kerak.

Kalsiy folinati ftoruratsil samarasini kuchaytiradi. Ushbu oʻzaro taʼsir oqibatida jiddiy, bir qator holatlarda oʻlimga olib keluvchi diareya, ayniqsa ftoruratsilni tana maydoniga hisoblanganda 600 mg/m2 dozada vena ichiga oqim bilan, haftada bir marta kalsiy folinati bilan birga yuborilganda yuzaga chiqishi mumkin.

Simetidin, metronidazol, allopurinol va interferonlar plazmada ftoruratsil darajasinini oshirishi mumkin. Bunda ftoruratsilning toksikligi oshishi mumkin.

Tiazidli diuretiklarni siklofosfamid, metotreksat yoki ftoruratsil bilan birga qabul qilayotgan ayollarda granulotsitlar soni kamayishi mumkin.

Ftoruratsil va varfarinni bir vaqtda qoʻllash protrombin vaqtining uzayishiga olib kelishi mumkin. Baʼzi bir holatlarda varfarinni ftoruratsil bilan (aloxida yoki levamizol bilan majmuada) qabul qilgan patsiyentlarda protrombin indeksining pasayishi kuzatilgan.

Ftoruratsil va levamizol bilan davolanayotganda koʻpincha gepatotoksik samaralar (ishqoriy fosfataza, transaminazalar yoki bilirubin darajasining oshishi) kuzatiladi.

Siklofosfamid, metotraksat, ftoruratsil yoki tamoksifen bilan majmuaviy davolanayotgan sut bez karsinomasi boʻlgan patsiyentlarda tromboembolik asorat rivojlanishi xavfi oshadi.

Vinorelbin va ftoruratsil folat kislotasini birga qoʻllanganda oʻlimga olib keluvchi ogʻir mukozit rivojlanishi mumkin.

Ftoruratsilni aminofenazon, fenilbutazon va sulfonamid bilan birga va keyinchalik qoʻllash mumkin emas.

Xlordiazopoksid, disulfiram, grizeofulvin va izoniazid ftoruratsil faolligini oshirishi mumkin.

Ftoruratsilni mintomitsin bilan birga uzoq vaqt qoʻllanganda gemolitik uremik sindrom paydo boʻlishi kuzatilgan. Ftoruratsilni ximoterapiya olib boriladigan boshqa preparatlar (mitomitsin S yoki sisplatin) bilan birga qoʻllanganda juda kam holatlarda ishemik insult xolatlari toʻgʻrisida xabarlar berilgan.

Siydikda bilirubin va 5-gidroksiindolsirka kislotasi miqdorini aniqlanganda haqiqatdan yuqori va soxta ijobiy natijalar boʻlishi mumkin.

Ftoruratsilni fenitoin bilan qoʻllanganda fenitoin bilan intoksikatsiya simptomlari paydo boʻlishiga olib keluvchi fenitoin darajasi oshishiga olib kelishi mumkin.

Umumiy muloxazalar

Sitostatiklar grippga qarshi vakinatsiyadan keyin antitelalar shakllanishini pasaytirishi mumkin.

Sitostatiklarni qoʻllash tirik vaksina yuborilgandan keyin infeksiya rivojlanishi xavfi bilan bogʻliq.

 

Nomutanosibligi

Infuziya uchun eritma tayyorlash uchun konsentrat faqat natriy xloridining 0,9% li eritmasi yoki glyukozaning 5% li eritmasi bilan suyultirish mumkin. Ftoruratsilni boshqa infuziya uchun eritmadagi moddalar bilan aralashtirish mumkin emas.

Ftoruratsilning quyidagi preparatlar bilan nomutanosibligi toʻgʻrisida xabarlar berilgan: sisplatin, sitarabin, diazepam, doksorubitsin, droperidol, filgrastim, galliy nitrati, leykovorin, metotreksat, metoklopromid, morfin, ondasetoron, parenteral yuboriladigan oziqlantiruvchi moddalar eritmasi, vinorelbin.

 

 

Maxsus koʻrsatmalar

Ftoruratsil bilan ishlanganda sitostatiklar uchun umumiy ustun turuvchi prinsiplarga amal qilish kerak. Himoyaviy qoʻlqoplar, yuz uchun niqob kiyish va iloji boʻlsa, shu maqsad uchun ajratilgan alohida honada ishlash kerak. Teri va shilliq qavatlar bilan kontaktdan saqlanish kerak. Agar kontakt boʻlsa, teri (shilliq qavatlar)ni yaxshilab sovunli suv bilan yuvib tashlash kerak. Agar koʻzga tushsa, uni koʻp miqdordagi suv bilan yuvib tashlash, tezda shifokorga murojaat qilish kerak. Homilador xodimlarning ftoruratsil bilan ishlash man qilingan.

Fertillik, homiladorlik va emizish davri

Homiladorlik. Ftoruratsilni homiladorlikda qoʻllash mumkin emas. Tugʻruq tugʻish yoshidagi ayollar kontratsepsiyaning ishonarli usullarini qoʻllashlari kerak. Agar davolash vaqtida homiladorlik yuzaga kelsa, genetik maslahatlashuv markazida maslaxatlashish kerak.

Hayvonlarda oʻtkazilgan tadqiqot ftoruratsilning teratogen toksikligi aniqlangan.

Emizish. Ftoruratsil emizish davrda qoʻllash mumkin emas. Agar shu davrda preparatni yuborish zarur boʻlib qolsa, emizishni toʻxtatish kerak.

Fertillik. Ftoruratsil genotoksiklik namoyon qilish mumkin. Erkaklar, ftoruratsil bilan davolanayotganda va kamida keyingi 6 oy davomida kontratsepsiyaning ishonchli usullarini qoʻllashlari kerak. Ftoruratsil bilan davolanish oqibatida qaytarib boʻlmaydigan bepushtlik rivojlanishi mumkin boʻlgani uchun, davolanishni  boshlashdan oldin sperma konservatsiyasi masalasi boʻyicha maslaxatxonaga murojaat qilish tavsiya etiladi.

Transport vositalarini boshqarish va mexanizmlar bilan ishlash qobiliyatiga taʼsiri

Ftoruratsil koʻngil aynishi va qusishni chaqirishi mumkin va shu orqali bilvosita xaydash va mexanizmlar bilan ishlash qobiliyatini buzilishiga olib kelishi mumkin. Shuning uchun ftoruratsil bilan davolanayotganda transport vositalarini xaydash va mexanizmlar bilan ishlash tavsiya etilmaydi.

 

Dozani oshirib yuborilishi

Intoksikatsiya simptomlari

Dozani oshirib yuborilishi belgilari va simptomlariga koʻngil aynishi, qusish, diareya, ogʻir mukozit, meʼda-ichak yoʻllarida yaralar va qon ketishlari, miyelosupressiya (trombotsitopeniya, leykopeniya, agranulotsitoz) kiradi.

Oʻtkir intoksikatsiyada ruhiy reaksiyalar, uyquchanlik, sedativ dori vositasining samarasi oshib ketishi, alkogol chaqirgan toksiklikning oshishi kuzatiladi.

Sedativ preparat qabul qilish kerak boʻlganida shifokor nazorati ostida kichik dozada diazepam (masalan 5 mg dan boshlab) qabul qilish mumkin.

Surunkali intoksikatsiyaga to kritik darajadagi agranulotsitoz va trombotsitopeniyagacha boʻlgan miyelosupressiya, meʼda-ichak yoʻllarida yaralar va qon ketishlari, diareya, soch toʻkilishi xarakterlidir.

 

 

Intoksikatsiyani davolash

Spetsifik antidoti yoʻq. Intoksikatsiya simptomlari rivojlanganda ftoruratsil yuborishni zudlik bilan toʻxtatish kerak. Simptomatik davolashni boshlash kerak.

Rivojlangan miyelosupressiyani shifoxonada davolash kerak va unga (zarurati boʻlganda) yetishmayotgan qon komponentlarini toʻldirish va bakteriyaga qarshi davolash kiradi. Patsiyentni aseptik palataga oʻtkazish kerak boʻlib qolishi mumkin.

Doza oshirib yuborilganda qon yaratish faoliyatini kamida 4 hafta davomida nazorat qilib borish kerak.

 

Chiqarilish shakli

5 va 10 ml dan rangsiz shisha (1 sinf) li ampulalar.

5, 10, 20 va 100 ml dan alyuminli oʻrovchi ostidagi rezina tiqin bilan berkitilgan, teflon himoya qopqoq bilan yopilgan, jigarrang rangli shisha (1 sinf) flakonlar.

1 flakon x 250 mg/5 ml

1 flakon x 500 mg/10 ml

1 flakon x 1000 mg/20 ml

1 flakon x 5000 mg/100 ml

5 ampula x 250 mg/5 ml

5 ampula x 500 mg/10 ml